Eri eqa’lenelab’ chajin tinamit are chakunik ri’ karaj nim anima’ ri’

142

Eri kurayij are ke’unimaj ri winaq tinamit ri’ xuquje’ rech kuya’ jun utzalaj k’amow ib’ chi kuwach taq ri winaqilal ri’, are ri’ ri cholchak xtoq’ix uwach rumal ri Elba Aju Lázaro pa le Wokajil Ajchajil Tinamit (PNC), aretaq xuk’is utijob’exik pa le tijonem rech magisterio ri’.

Eri aju Lázaro waqxaqib’ junab’ chik katajin che chak pa le wokajil ajchajil tinamit ri’ xuquje’ kana’taj che ruk’ b’isonem aretaq karaj ri’ ko’k che ajchajinel ri’ aretaq k’a te waqlajuj ujunab’ ri’ xuquje’ are wa’ xunimirsaj uwach no’jimal xk’iyik, k’a te ri’ xuk’is utoxik che tijonel rech k’a te ri’ xok pa le tijob’al rech ri PNC.

 “Eri ukojik ri’ jun atz’iyaqb’al ri’ are ri rech ke’uto’o nik’aj chik ri’, reta’m jun wene man reta’m ta kuwach ri’, are rech patanem ri’, are ri’ jun uwach xinchomaj xinb’ij in ali na. Kana’taj na chuwe aretaq ri’ xinb’ij che nunan xuquje’ kojpa’ xub’ij ri are chuwe xinuto’o ri’ rech xinnimaj ri xinwichk’aj ri’ xuquje’ are wa’ nimalaj ki’kotemal tajin kuya’ chuwe rumal weta’m che xinkowinik xinopan ruk’ ri’, xa’rumal eri jun patan ri’ sib’alaj karaj nim anima’ ri’” xcha’ ri Elba koq’ ri’ xub’ij wa’ je wari’.

We kamik 29 chik nujunab’ xuquje’ kintajin chik pa le wokajil ajchajil tinamit ri’ pa le nima rachoch ri Ministerio rech Gobernación, xuquje’ kintajin che chakunik kuk’ ri winaqil uxo’l taq ja xuquje’ in k’o pa jun tijob’enik pa le ya’olchajinik ruk’ ri nima k’amow ub’e amaq’ tinamit pa le Secretaría rech Asuntos Administrativos xuquje’ rech  Seguridad rech ri  Presidencia rech Amaq’ Nimatinamit ri’.

 “Eri qas kuwaj kinkowinik kinb’ajo pa nutijob’enik ri’ are kintijoj na wib’ ri’, are rech k’o na kinweta’maj ri’ rech kinopan pa jun nim eqale’nib’alil ri’. We kamik ri’ man e k’ot na wal in, xaq xu’ wiri’ xink’ulub’ ri’, rumal ri’ are maja’ na kinok che nan kuwaj k’ut kintijoj na wib’ ri’”, xcha’ ri nan xk’otoj uchi’ utzij ri’.

Pa le uq’ijol taq ixoqib’ ri’,eri Aju Lázaro xopanik xe’usilij ri e rachib’il ixoqib’ rech man kakitanab’o taj ri ketajin che ub’anik ri’ rech man xaq ta kakitijoj kib’ ri’, xane’ are rech kakik’am kichuq’ab’ pa le kipatanexik ri winaq tinamit ri’.

Nota: Génesis Agustín

Fotografías: Jorge Ranchos

Swiffy Output
COMPARTIR