Eri eqa’lenel e ajchajil tinamit kuk’ ri winaq chi’ ketajin che kato’ik ri winaq xkiraq k’ax rumal ri ixkanul ri’

106

 

E k’o jun nim molaj e ajchajinelab’ rech q’atel b’anow k’ax, rech ri Wokajil Ajchajil Tinamit (PNC), ketajin pa b’anow tob’anik kuk’ e k’iyalaj taq winaqib’ rech ke’opan pa taq ri aldeas che ri b’anom ta kowinem e opaninaq wi’ pa taq le q’ij kanoq xuquje’ pa che ri xk’ulmataj wi’ ri k’ax rumal ri ixkanul pa taq le q’ij kanoq, xcha’ ri Pablo Castillo, ajtzijolinel rech ri wokajil ajchajil tinamit ri’.

Xuquje’ xub’ij che ri aldeas ri’ e are keraqataj naj e k’o wi’ na che ri ixkanul ri’ xuquje’ are kumaj keb’ kajb’al rajilab’al q’ij rech ke’opan chi’ pa le b’e rech Siquinalá rech tinamit rech Escuintla.

Eri aldeas ri’ e are ri’ El Zapote, Santa Marta, La Unión Maya Quiché xuquje’ ri caserío Ceylan e are wari’ e sachinaq katzijol ri’ xuquje’ eri winaq chi’ e kowoninaq taj e elinaq loq che uk’amik kiwa kirikil ri’.

Rumal ri’ eri k’amal b’e rech ri Ministerio rech Gobernación, ri PNC pa le molaj sak’ajil rech ri Q’atel b’anow k’ax xekowinik xe’opan chi’ rech xakijacho ri wa’ rikil ruk’ nik’aj chik jastaq che ri utz chi ke ri winaq e achalal keraqataj pa le taq juyub’al kik’olib’alil ri’.

Ruk’ wari’ eri PNC xkik’ub’isaj ub’ixik che ri kanimab’al kuk’ ri winaq ri’ pa wajxaqib’ q’ij chik ketajin che uterenb’exik uya’ik chi ke konojel ri winaq ri’ che ri xkiraq k’ax rumal ri ixkanul che xutzaq q’aq’ chi kij ri’.