Jacha’ tane’ jun je’lal ilb’anik rech ya’el ub’anik katijoxik ri tz’i’ K-9 rech ri Wokajil Ajchajil tinamit (PNC), rumal ri’ sib’alaj katajin kek’am b’ik pa le Laguna “El Pino” rech kakib’ano jun utzalaj kiwa’katem ruk’ atinem chi’.

Chi la’ pa le k’olib’em ri’, eri nima’q eqa’lenelab’ K-9 rech ri PNC, xeb’e pa etz’anem xuquje’ pa atinem chi’ naj pa le cho k’o ri’ rech pa le utzukuxik jun alaj k’ala’ch ri’, kojom pa le etz’anem ri’.

“We kamik e k’o chik quk’ tz’i’, jacha’ taq pastores Malinoys, Belgas, Holandeses, Alemanes xuquje’ Golden Retrivers”, xub’ij k’ut ri’ Feremka Godínez, are k’amal b’e we kamik chi ke ri loq’ taq tz’i’ K- 9, pa le Escuela Centroamericana rech Entrenamiento Canino ri’.

Eri K’amal b’e ri’ xub’ij aretaq eri tz’i’ ri’ e k’ot pa chak ri’, k’o k’i taq utz b’anikil kiya’om chi ke ri k’amal b’e chi ke, pa le q’atenik chi ke ri molaj e ajk’ayin awan kunb’alil ri’, jeri’ sib’alaj keto’onik pa taq le tzukunik kab’an pa taq japache’ rech katzukuxik karaqaik jacha’ tane’ ch’a’wb’alil, chips, k’aqb’alil, awan kunb’alil ruk’ nik’aj chik ya’olchajinik ri are kab’anik rech katzukuxik nima’q taq poq’sab’al, rumal ri’ kek’am b’ik pa le Cho ri’ ub’i’ “El Pino” rech keb’inisaxik pa Barberena, Santa Rosa.

We jun utzalaj uwach ulew ri’ are kuya’o chi’ rech ke’uxulan naj chi’ aretaq e b’enal ta pa chak patan na ri’.

Eri William González, k’amal b’e rech ri Escuela Centroamericana rech Entrenamiento Canino rech ri Wokajil Ajchajil Tinamit ri’, xuya’ ub’ixik ucholaj che we ri’ are rech kuya’ uchuq’ab’ ri k’amow ib’ ri k’amal b’e ruk’ ri tz’i’ xuquje’ pa le etz’anem kaya’ chi ke ri tz’i’ ri’, are wari’ rech kab’an chi ke kaketa’maj ri tzukunem kakib’an pa le kiq’atexik ri b’anow k’ax e ajk’ayin awan kunb’alil ri’.

“We kamik ri’ kaya’ utz kichuq’ab’ keta’mab’al ri tz’i’ ri’ pa le Escuela Canina are rech 18” ri’.

COMPARTIR