Eri eqa’lenel k’amal b’e ri’ kuk’ ri 43 tz’i’ sib’alaj ketajin che tzukunik chi rij awan kunb’alil pa ronojel we Amaq’il

Ruk’ utaqixik ukojik jun ub’eyal k’amow ib’ pa le chak patan kuk’ ri tz’i’ eri ajk’amal b’e chi ke ketajin pa tijob’enik pa le Escuela Centroamericana rech Entrenamiento Canina (ECEC) rech Sub Dirección rech General rech Análisis xuquje’ Información Antinarcótica (SGAIA) rech ri Wokajil Ajchajil Tinamit (PNC), pa ronojel q’ij chi ke e 42 tz’i’ ri jalajoj kib’anikil ri’ rech kekoj pa tzukun awan kunb’alil, pwaqil, k’aqb’alil, ruk’ nik’aj chik chakub’alil jacha’ (chips, ch’a’wb’alil, módems, routers).

We kamik K’amal b’e rech ri ECEC, Ferémka Taibeed Godínez Alfaro xuya’ ub’ixik ucholajil chi rij rij ri chak patan rech ronojel k’a pa taq nimaq’ab’ k’a chaq’ab’ ri’ kumal ri ajk’amal b’e kuk’ ri tz’i’ pa le unimaxik ri taqom kachakuxik rumal ri Quinto Viceministerio Antinarcóticos, k’amom ub’e rumal ri Viceministro Oscar Miguel Dávila Mejicanos.

Janipa’ xoksax ri Escuela Centroamericana rech Entrenamiento Canina (ECEC) rech ri Sub Dirección rech General rech Análisis xuquje’  Información Antinarcótica (SGAIA) rech ri Wokajil Ajchajil Tinamit (PNC)?

Eri FG are xoksax pale 23 rech junio rech 1988 jacha’ k’o pa le Decreto rajilab’al 32 – 99 rech Wokajil B’anol Taqanib’al rech Iximulew ri’ chi’ k’u ri’ xb’antaj ub’ixik ucholaj ri chak katajin pa le katijoxik ri e eqa’lenel tz’i’ xuquje’ ri tijonem kaya’ chi ke rech pa le utzukuxik wan kunb’alil pa Iximule wri’ xuquje’ pa taq le nimatinamit rech pa rulewal centroamericana.

Jachike tijonem ya’om pa taq le rachoch uk’olib’al ri ECEC?

E FG We kamik pa le ub’anikil ri tijob’al ri’ chi’ ketijox wi ri e ajchajil tinamit rech ke’ok che e ajtijonel chi ke ri tz’i’ ri’, eri tijonik rech k’amal kib’e ri K-9, Comando rech Operaciones Antinarcóticas (COAN), ri Curso Básico rech Investigación Antinarcótica ri’.

Janipa’ chi tz’i’ e k’o pa le wokajil eqa’lenem tz’i’ we kamik xuquje’ jas kib’antajil ri’?

Eri FG K’ ate kanoq ri’ aretaq xesipax loq e b’elejeb’ chi tz’i’ rumal ri Embajada rech ri Estados Unidos rech Norteamérica e k’o 42 tz’i’ e k’o Pastor Belga, e k’o Pastor Belga Mallinois, Labrador Retriever, Pastor Holándes, ruk’ nik’aj chik ri’.

Janipa’ rajil jun tz’i’ rech K-9?

Eri FG Pane’ ri konojel chi ke ri tz’i’ ri’ che ri e sipam loq rumal ri Embajada rech ri Estados Unidos eri kajil are 3 mil xuquje’ 3 mil 500 dólares emu wari’ ri tz’i’ ri’ e tijob’em chik che utzukuxik awan kunb’alil, che pwaqil, che utzukuxik no’jchakub’al ri’ (chips xuquje’ ch’a’wb’alil) eri kajil ri’ are kopan pa jo’ob’ mil dólares are 36 mil 700 chi pwaqil q’uq’ amaq’ ri’ pa kijujunal ri’.

Jachike ilonik kab’an chi ke ri tz’i’ K’9 rumal ri ECEC?

Eri FG are pa amaq’el utaqim ke’ula’wchij ri’ rumal ri’ pa le Tijob’al ri’ k’o jun ajkun kech tz’i’ ri’ rech ke’ukunaj pa aninaqil ri’.

Sib’alaj rajawaxik kaya’ ub’ixik ri’ che k’a pa keb’oxib’ ik’ ri’ xuquje’ rumal xta k’ut pa le jachakunb’al rech kekunax wiri’ k’o utzalaj ja’ ruk’ kirikil kakitijo ri’.

E ajchak kesaqab’san kech ke’itinisan kech ri’, k’o kichachak kakojik rech kamisab’al k’aq xuquje’ rech kach’aj kij rech maj ya’b’il kape chi kij ri’ xuqje’ rech maj q’oxom kape chi ke ri’ are wari’ kab’an kumal ri e ajtijonel ke petinaq pa Colombia ri’.

Eri tz’i’ K-9 xuquje’ keta’m ke’etz’anik, k’o b’anow b’inem k’utum chi ke ri’ pa taq le rach taq k’olib’emal xuquje’ rech ke’itinik pa le Laguna “El Pino” ri k’o pa k’ulb’a’t ruk’ ri ECEC  chi’ k’u ri’ kaketa’maj wi kaki’uxulanisaj kib’ ri’.

Jachike ri chak kib’anom chik pa kijuk’ulaj K-9 ri’?

Eri FG Xkiya’ ub’ixik eri rajilab’al tzijol rech ri b’anow tzukunik b’anom kumal ri tz’i’ kuk’ ri ajk’amal b’e chi ke pa le junab’ 2016 xuquje’ 2017, k’o 157 chi pajb’alil Marihuana, ruk’ 13 mil 457 chi pajb’alil rech Cocaína xuquje’ ruk’ 145.5 pajb’alil heroína kiraqom chik ri’.

Xuquje’ k’o pwaqil ma rech ta waral kiraqom chik ri’ are 8 millones 33 mil 995 chi dólares ruk’ 2 millones 998 mil 600 chi pwaqil rech amaq’ Iximulew kiraqom chik ri’.

Eri FG K’o taq mul ri’ are kuq’axaj jun winaq che jun chik ri’ jeri’ kab’an chi ke ri tz’i’ ri’ aretaq kiya’ kechaq’ xuquje’ jeri’ kab’an chi ke aretaq ketijoxik.
Wari’ man tzij ta, xuquje’ rumal ri’ are wa’ kaq’alajisaj. Chi’ kaqamaj wi, katijoxik rech kakitzukuj ri awan kunb’alil ri’.

Qeta’m k’ut che k’o nim upatan ketijoxik ri’, chi janipa’ q’ij kekowin chik ketzukun ri’?

Eri FG Eri katijoxik ri tz’i’ kab’an ri’ are pa keb’ pa oxib’ ik’ ri’ are q’ij ri’ kumajo rech ketijoxik rech kak’aman chi ke kakitzukuj awan kunb’alil ri’.

Aretaq maja’ na ke’al b’ik ri K-9 pa taq b’anow tzukunik are kanimaxik kajib’ uwach tijonem chi ke, pa le majb’al katijoxik are kak’ut chi ke b’anow etz’anem are wa’ rech kaketa’maj kakik’am loq jun k’ala’ch rech tenis xuquje’ jun “Kong” rech are kutaqix utzukuxik kumal ri Tz’i’ ri’.

Jawchi’ taq rulewal kek’oji wi ri tz’i’ ri’ che kichak patan ri’?

Eri FG are k’o pa jalajoj chakunb’al rech ri Unidad Antinarcótica, rech ketajin ri’ che b’anow tzukunik pa taq ropanb’al jukub’ pa uwi’ palow, pa taq ropanb’al xik’ach’ich’, pa taq k’ulb’a’t juyub’ xuquje’ taq le solin ch’ich’ ri’, pa le ya’olchajinik pa taq nimab’e, rech ketob’an pa taq tzukunik rumal q’atb’alzij ri’, rech ketzukun pa le utzukuxik awan kunb’alil, rech kakitzukuj k’aqb’al, poq’sab’al, xuquje’ no’jchakub’al rech pa kemamtzij ri’ pa taq le japache’.