Eri eqa’lenel rech q’atel k’ax tajin katijoxik rech uq’atexik k’ax pa taq ja

219

Eri jachakunb’al rech ya’b’al ilonik chi ke winaq kiraqom k’ax ri’ rech ri Wokajil Ajchajil Tinamit (PNC), pa le upatan ri k’amal b’e rech ri q’atel b’anow k’ax ri’ José Antonio Tzuban, xuya’ ub’ixik che pa kajib’ juyub’ tinamit ri’ qas kak’ulmataj wi b’anow k’ax pa taq ja kumal ri e achalalil, rumal ri’ katajin katijoxik ri eqa’lenelab’ ri’ rech kakiq’atij wari pa aninaqil ri’.

Jeri’, eri k’amal b’e ri’ xuya’ ub’ixik che ri tijonik ri’ are katajin pa taq jalajoj tinamit chi rij uq’atexik b’anow k’ax ri’ jacha’ pa taq Alta Verapaz, pa taq Iximulew, pa taq Xuchitepéquez xuquje’ pa taq ri Progreso.

Rumal wari, eri k’amal b’e Tzuban xuya’ ub’ixik che ri tijonik ri’ are nim upatan pa le q’atenik b’anow k’ax xuquje’ rech uq’atexik k’ax wari’, “kojtajin k’ut che uchakuxik wari rech kaq’atatajik ri b’anow k’ax ri’ rumal ri’ k’o nim upatan ri k’uttijonem chi ke ri eqa’lenelab’ ajchajil tinamit pa le jalajoj taq comisarías ri’ xuquje’ rech uq’atexik ri b’anow k’ax chi ke ri ak’alab’, taq ala ali xuquje’ ixoqib’ ri’”.

Pa k’isb’al rech eri q’atb’altzij e ajchajil tinamit chi ke ri ja winaq e achalalil e aj iximulew ri’ are wa’: “Rech chakiya’ loq’ ub’ixik ri b’anow k’ax kub’an k’ax chi ke ri’, rumal ri’ k’o ri wokaj ajchajinelab’ ri’ ri keta’m ketob’anik kuk’ ri winaq tinamit ri’, xcha’ ri Tzuban, k’amal b’e rech ri q’atel b’anow k’ax ri’.