Eri eqa’lenelab’ ketijox rumal ri INTERPOL pa le uq’atexik reqaxik k’aqb’alil maj pa usaqil ri’

89

Keb’ q’ij chik ok’owinaq ri’, e 20 eqa’lenelab’ rech INTERPOL Guatemala, ketijox ri’ chi rij nuk’ulem utzijol iARMS, ruk’ wa’ are tajin kaya’ uchuq’ab’ pa le uq’atexik k’ayin k’aqb’al maj pa usaqil pa we amaq’ ri’.

Eri tijonik ri’ are pa k’o keqale’n ri e ajno’jinelab’ rech ri Organización Internacional rech Policía Criminal (INTERPOL are ub’i’ pa inglés tzij ri’), eri ajno’jinelab’ ri’are ketijon chi ke ri eqa’lenelab’ chajinik ri’, chi rij ukojik ri chakub’al rech pa taktaktem ri’, pa le uwachwujil pa kemamtzij tzij ri’ kacholajisax wi tz’ib’atal wi ri k’aqb’alil ri tz’ib’atal wi utzijolil ok’owinaq wiri’ che ri e raqom pa uwachulew ri’.

Eri viceministro rech tecnología, Gabriel Juárez Lucas, xuya’ utzijol are rech kakoj we jun uwach k’olib’al tzijol ri’ are k’o nim kupatanij pa we amaq’, rumal k’ut are kuya’ uchuq’ab’ ri b’anow tzukunem ri’ xuquje’ ruk’ chak tajin rumal ri Wokajil Ajchajil Tinamit (PNC), pa le uterenb’exik tzukunem ri’ rech keraqik ri k’aqb’alil che ri e kojom pa taq b’anow k’ax kamisanik ri’.

“We jun uk’olib’alil tzijol ri’ are tajin uyachik reta’maxik rumal ri INTERPOL, are wa’ jun q’axnik kaya’ pa juntir uwach ri’ che ri are tajin upatanixik rumal ri taqawokajnem ri’. Are sib’alaj utz k’o wa’ nik’aj kojb’al tzijol pa juntir uwachulew, rech pa aninaqil b’a’ kaq’atexik ri k’o pa itzelal rij ri’”, xcha’ ri Juárez Lucas.

Eri Haroldo Vásquez, de INTERPOL Guatemala, sib’alaj xumaltyoxij nim tob’anik ya’om chi rij wari’, are rech eri qatinamit ri’ are jun kak’oji utzijolil pa we jun nim uk’olib’al tzijol ri’, rumal k’ut are tajin kakoj kumal ri e 192 chi amaq’ tinamit ri’.

“Max xaq ta ri’ kaq’atexik ri uk’ayixik ri k’aqb’al maj pa usaqil, xane’ are ketaq’atexik ri molaj b’anol k’ax che ri kakib’an we jun nim k’ax ri’”, xcha’.

COMPARTIR