Eri eqa’lenelab’ rech ri Disetur k’o wa rikil xkijach pa Nimab’e kab’e Saqplow ri’

375

Are uwach ri ilb’anik rech riqb’alil chomanik kuk’ ri winaq tinamit, eri eqa’lenelab’ rech ri Wokajil Ya’olchajinik chi ke Winaq Wa’katel, DISETUR, k’o 35 wa rilik xkijach chi ke winaq ri’ che ketajin che usuk’umaxik pa nimab’e kab’e pa Saqplow ri’, e are wa’ keraqataj pa le kilómetro 100 pa le 190 rech pa nimab’e ri’.

Eri b’anow utzilem ri’ are k’amatil ub’e rumal ri Comisario xuquje’ ri taqanel rech ri Disetur, Erick Tórtola, ri xuya’ ub’ixik che xucha’o rech xb’e pa le jachow wa rilik chi ke ri winaq chi’, rumal k’ut sib’alaj ketajin che tob’anik pa le usuk’umaxik pa nimab’e kab’e chi’, rech jun ya’b’al nimatob’anik chi ke ri e ajb’inisal ch’ich’ ri’.

Eri eqa’lenel k’o jun utzalaj kanima’ ri’

Eri Tórtoloa xuya’ ub’ixik chi ke ri eqa’lenelab’ ri’ e are reqa’lenel ri Uk’u’x Wokajil ri’, ri xkimol ri pwaq rech xkiloq’ le wa’ rilik ri’ are uwach ki’rsab’al, kinaq’, ixim, aros xuquje’ aseyt, are wa’ xkiya’o rech xetob’an chi ke ri winaq e achalalil ri k’o nimalaj rajawaxik chi ke pa we q’ij rech paxkuwa’ ri’.

Pa ronojel e k’o lajuj chi eqa’lenelab’ xetob’anik pa le jun loq’ ilb’anem ri’, are jun chi ke ri eqa’lenel ub’i’ Josué Anibal López Menchú, ri xuquje’ are capellán ri’ xuquje’ k’o jun loq’ ch’ab’al chi kaj xub’an chi ke ri winaqil ri’, le winaq ri’ sib’alaj xkimaltyoxij ri ya’ow toq’ob’ xb’an chi ke kumal e ajchajil tinamit ri’.