Eri eqa’lenelab’ rech ri jachakunb’al rech q’atel k’ax e are kakiya’ tijonik pa uxulanib’al q’ij ri’

112

Are rech b’a’ taqim utoq’ixik uwa’lijsaxik ri no’jk’aslemal ri’, ri k’amow ib’ pa joremal ri’ ruk’ ri b’anow chomanik kuk’ ri e ajchajil tinamit, eri eqa’lenelab’ rech ri Jachakunb’al rech q’atel k’ax rech ri Wokajil Ajchajil Tinamit (PNC), xya’taj ri tijonik pa tijob’al rech uxulanib’al q’ij ri’, are ri’ kamajtaj uya’ik pa le waqib’ q’ij rech noviembre ri k’ak’ix ri’ pa le waqib’ q’ij rech diciembre pa we junab’, jeri’ xkub’isaj ub’ixik ri Priscila Herrera Taqanel rech ri cholchak rech Escuela Seguras rech ri PNC.

Eri retal tijonik rech pa uxulanib’al q’ij ri’ are tijonik kab’an ri’ chi rij tob’al ib’, b’anow jastaq chuwi’ q’ab’aj, etz’anem, wa’katik pa juyub’ k’ache’laj xuquje’ ruk’ nik’aj chik ilb’anik ri’, “we nik’aj ilb’anik ri’ are kab’an ri’ pa taq le uya’ik uchuq’ab’il no’jk’aslemalil ri’ ruk’ ri loq’ taq b’anikil kumal ri taq ak’alab’ taq ala ali xuquje’ ri alab’om alitom ri’”, xcha’ ri Herrera.

Xuquje’ eri Herrera xub’ij che kareye’j na rech ketatb’en wiri’ e 120 chi ak’alab’ xuquje’ alab’om alitom pa taq lajuj pa kajuluj kajunb’a ri’, rech taq wokja rech Villa Nueva xuquje’ Villa Lobos.

Pa San José del Golfo k’o tijonik rech muxnem kaya’ ri’ chi’ che e eyem 150 ak’alab’ taq ala ali ri’.

Ucholajil ub’anik ri’

Eri rajilab’al k’o kuk’ ri q’atb’altzij rech ri Subdirección General rech prevención ri’ eri ucholajil ub’anik ri’, ri utz rlik kab’an ri’ xuquje’ eri unimab’al ri’ are kopanik ri taq ak’alab’ kuk’ ri alab’om alitom pa le retal taq tijonik ri’ xuquje’ pa le taq cholchak tijonik kumal ri eqa’lenelab’ ri’.

Rumal k’ut pa junab’i ri’ xetatb’en 85 chi ak’alab’ taq ala ali pa San José del Golfo pa le retal tijonik rech reta’maxik muxnem ri’ “Mat jiq’ pa le b’anow k’ax ri’” che ri kab’an pa jo’ob’ uwach taq ri’.

Pa le nik’aj chik cholchak rech majun ta ke’ok kuk’ ri molaj b’anol k’ax ruk’ tijow awan kunb’alil, jeri’ pa le uq’atexik ri b’anow k’ax chi ke ri ixoqib’ ri’ xetatb’en ri jun mil 045 pa konojel pa taq ak’alab’, taq ala ali xuquje’ alab’om alitom ri’.

COMPARTIR