Eri eqa’lenelab’ rech ri PNC xekowin che ub’anik uyakik rachoch jun ja winaq sib’alaj e meb’a’ ri’

140

E k’o juk’ulaj ri’j winaq xyak kachoch kumal eqa’lenelab’ rech ri Comisaría 21 rech Jutiapa, eri eqa’lenel ri’ k’o jun ja xkiyak ri’ ruk’ kirajil ri xkimol chi kuwach ri eqa’lenelab’ rech ri wokajil ajchajil tinamit ri’ xuquje’ ruk’ kitob’anik e ajchoq’e poq’san meb’il kuk’ e ajk’ayib’ rech pa tinamit ri’.

We jun loq’ jun yakon ja ri’ eri eqa’lenel ajchajil tinamit ub’i’ Carlos Arturo Méndez Esquivel rech ri Subestación  21 – 11, ri xta’ kuma le rachib’al rech pa juwinaq q’ij xkiya’ wi le jun achochib’al chi’, rech k’a pa we q’ij ri’ eri keb’ juk’ulaj ri’j winaq kakito’ kib’ che ri jab’ che ri tew rumal k’ut xa’ pa junaj muj e k’o wiri.

Eri eqa’lenel ri’ xkib’ij eri keb’ ri’j winaq ri’ sib’alaj e meb’a’ xkiraqo aretaq xe’opan che tzukunem ya’olchajinik chi’ pa k’isb’al junab’ kanoq, are wa’ xuchap ranima’ ri eqa’lenel Méndez Esquivel rech xumaj umolik pwaq jastaq rech xkiyak jun ja ri’ chi’, xuquje’ pa taq kaxulunib’al are xe’opan chi’ che uyakik ri ja ri’ le xekowin che uyakik ri’ rech k’o kek’oji wiri le taq winaq ri’.

K’a we kamik ri’ eri José Martínez Reyes xuquje’ ri María Santos Santiago López rech ri Cantón San Antonio, rech ri Aldea El Carrizo, Comapa, Jutiapa rech rumal ri’ xya’tajik jun kachoch rech block tz’ajim rij, ch’ich’ uwi’ k’o ch’ich’ xok chupam xuquje’ tz’aqim upam ri’.

Aretaq xjach kanoq ri k’ak’ ja ri’ eri winaqil chi’ xe’opan che rilik xuquje’ sib’alaj xkimaltyoxij chi ke ri eqa’lenel rech ri PNC rumal ri tob’anik xkiya’ chi ke ri juk’ulaj ri’j winaq chi’.

We nik’aj b’anow ri’ are uwach wa’ ri k’ak’ uwach Cholchak rech Ya’olchajinik pa Winaqilal MOPSIC, are utaqim rech kub’an utz taq chomanik kuk’ ri winaqilal ri’ xuquje’ rech kakub’ kik’u’x ri tinamit chi ke le q’atb’altzij ri’.

 

COMPARTIR