Eri eqa’lenelab’ rech ri PNC xetob’anik che uyakik kachoch ri loq’olaj juk’ulaj winaq sib’alaj meb’a’

278

Eri loq’ winaq Carlos Arturo Méndez Esquivel, k’o 18 junab’ chik katajin pa chak we kamik pa le Comisaría rech Jutiapa, xuya’ ub’ixik pa taq le uwachwuj pa kemamtzij rech xuta jun nim toq’ob’ rech kakimol pwaq jastaq rech kakiyak rachoch le ixoq María Santos Santiago López, 67 ujunab’, are jun ri’j ixoq sib’alaj meb’a’ xuquje’ ri are jaqal pa le caserío San Antonio, aldea El Carrizo, Comapa, Jutiapa.

Eri eqa’lenel Méndez Esquivel, xuril k’ut pa le 12 rech diciembre, aretaq kuk’ le rachib’il xe’opan chi’ pa le jaqib’al ri’ rumal Ub’eyal Ya’olchajinik xb’antaj chi’ ub’i’  (MOPSIC) pa le tinamit la’, chi’ k’ut xkil wi umeb’a’il ri chichu’ Santos ri’.

Rumal ri’ pa we q’ij ri’, eri Eqa’lenel ri’, xumaj uta’ik molow tob’anik kuk’ taq rachib’il ri’, kuk’ winaq reta’m kuwach xuquje’ kuk’ taq le kachalal ri’, ri sib’alaj utz xkito ri’ le xta chi ke ri’, xuquje’ pa oxib’ q’ij chik, xkimaj k’ut uyakik le k’ak’ rachoch ri loq’ chichu’ ri’, rumal wari ronojel q’ij sib’alaj tajin kumaltyoxij jun nim toq’ob’ ri’ katajin uya’ik che kumal le Wokajil Ajchajil Tinamit ri’.​