Eri eqa’lenelab’ xkitik 1,500 chi che’ pa le Cerro de la Cruz pa Antigua Guatemala

415

Are taqim k’ut che ri Cerro de la Cruz, k’o pa Antigua Guatemala, are rech eri k’olib’em ri’ ke’opan wi winaq e aj chi’ pa tinamit kuk’ ri kepe naj ri’ rech ke’opan che wa’katem chi’, rumal ri’ eri eqa’lenelab’ rech ri División rech Seguridad Turística (DISETUR), kuk’ e k’i winaq kijitim kib’, rech xeb’e che utikik mil 500 chi che’ ri’, ruk’ wari’ are xkimaj utikik ri che’ chi’.

Eri taqanel rech ri molaj eqa’lenelab’ rech ri DISETUR ri’, Héctor Noé Velásquez Prera, ri are kub’ij che k’o nim upatan ri chakunik rech che’ ri’ xuquje’ rumal ri’ pa komonb’al kuk’ ri winaqilal xetatb’enik pa le utikik ri che’ chi’, kuk’ pa konojel ri 30 eqa’lenelab’ e ajchajil tinamit ri’.

“Xmajtaj wa’ jun b’anow chak rech tikon che’ ri’, are rech taqim utikik oxib’ mil chi che’ ruk’ kitob’anik ri 500 chi e ajtijoxel kuk’ ri e ajtijonel ri’ rech ri colegio Galileo Galilei rech Antigua Guatemala, eri winaqil rech ri Komon Winaqilal ri’, ri COCODES, ri Gobernación Departamental xuquje’ ri winaq e jaqal chi’ rech kab’an na nik’aj chik tikow che’ chi’”.

Eri Renato Tinoco, rech ri Wokajil rech Seguridad Turística xuquje’ Ciudadana pa le Nimatinamit rech Ciudad Colonial ri’, xuya’ ub’ixik che k’o jun urox uwach ri cholchak rech keb’ ya’ltzijol rech tikow che’ kab’an chi’, kechb’ex k’ut ri uq’ij ri jab’ katajin ri’ rech utz b’a’ ketik ri che’ k’o uwach katijik katik chi’ jacha’ ri níspero, rio j xuquje’ ri q’unum.

“Konojel k’ut ri winaq e antigüeños k’o k’ut na’tib’al chaqe rech aretaq aj ch’uti’n na ri’ chi’ kojpe wi pa le loq’ Juyub’ ri’ ruk’ maj xib’al ib’ man k’ax aretaq kaqak’am mank chi’, q’unum, oj ruk’ nísperos chi’ kojpe wi che etz’anem xuquje’ che wa’katem naj kujnajtib’ chi’ rumal ri’ are wa’ kaqaj sib’alaj utz kaqaya’ kanoq chi ke ri qalk’uwal xuquje’ q’iymam ri’”, xcha’.

“E pa DISETUR ri’, k’o utzalaj taq uchomanik chi rij ri’ xuquje’ k’o utzalaj taq ucholchak xuquje’ k’o ronojel taq uwach kajwax kachakuxik chi’ rech pa le kanimaxik ri komon winaqilal ri’ xuquje’ rumal ri’ eri uj aj winaq kaqamaltyoxij xuquje’ kaqaloq’oj uwach ri’”, xcha’ ri Tinoco.

COMPARTIR