Eri FBI katob’an ri’ ruk’ Gobernación pa le kiq’atexik ri molaj b’anol k’ax

209

Eri Ministro rech Gobernación, Enrique Antonio Degenhart Asturias, xuya’ ub’ixik che ri Buró Federal rech Investigaciones (FBI ub’i’ pa inglés), katob’an ri’ pa we amaq’ ri’ pa le kiq’atexik b’anol taq k’ax ri’, are wa’ xub’ij aretaq xel loq pa riqb’al ib’ ri xchoman wi kuk’ ri q’atb’altzij rech ya’olchajinik rech Estados Unidos, pa le ub’ik pa le nimatinamit la’.

Eri Degenhart Asturias xuya’ ub’ixik che pa le chakunem pa komonb’al ri’ are jun ri’ chi’ ri FBI, are rech ketaq b’ik ri taqanel kech b’anol k’ax pa rulewal tinamit estadounidense, rech ketaq pache’ ri’ xuquje’ retaq pa q’atb’altzij chi la’ rech kaq’at tzij chi kij ri’ xuquje’ rech kaq’alajisax kib’i’ rumal e are qas ketzukuxik ri’.

“Eri Taqawokaj rech ri Estados Unidos are qas kataqow kech loq kik’amik, pa le q’atb’altzij chi la’, rech k’o jun nimalaj tzukno’chak kab’an chi ki ri nik’aj taqanel chi ke ri ajb’anol k’ax ri’, rech ketaq b’ik ri’ aretaq kechapatajik. Rumal ri’ sib’alaj rajawaxik kaqatzijoj b’a’ jas le ub’antajik ri’ kab’anik are wa’ jun b’iw b’anow k’ax taqanem ri’”, xcha’.

Eri chomanik chi rij wari’ rumal ri Taqawokajnel rech Ya’olchajinik pa Amaq’, xub’an pa jun riqb’al ib’ chomanik kuk’ taq ri ajb’anol taqanib’al rech ri Comisión rech Gobernación ri’, chi ke k’ut xujach wi ri puqil ajchak chi rij ri’ xuquje’ chi’ xuya’ wi’ utzijoxik ub’anikil ucholchak ri’, rech q’atel k’ax ri’, rech k’o kub’sib’al k’u’x chi ke e ajch’ich’ erelwinaq xuquje’ pa taq tinamit pa uwachulew ri’.

Pa le riqb’al ib’ ri’, eri Degenhart xuya’ ub’ixik chi rij ri rajawaxik kachomaxik ri’ rech k’o k’ak’ b’anob’al taqanik kakoj pa le kiq’atexik ri molaj b’anol k’ax ri’ xuquje’ rech kasolixik we k’o utz ub’anikil rilik b’anom ri’ xuquje’ jeri’ chi rij ri wokajil ajchajinelab’ ri’, rech b’a’ ri eqa’lenelab’ kekowin b’a’ che unimaxik kichak patan ri’, rech te k’u ri’ ke’oksax ta chik pache’ rumal ub’anik kichak patan ri’, rumal are wa’ xa’ kub’an k’ax che ri kichak pa kiwokajil ri’ xuquje’ are wa’ kuya’o jun itzel ub’anik che ri ya’olchajinik ri’.

Eri Ministro rech Gobernación xki’kotirsax uwach uchak patan kumal le diputados jeri’ chi ke rajchak, rech jun ya’b’al uchuq’ab’ ri ya’olchajinik rech uq’atexik b’anow k’ax ri’.