Eri k’amal b’e rech ri Fuerza de Tarea rech Iximulew, Honduras xuquje’ El Salvador, xemolin pa miércoles ri’ pa taq k’ulb’a’t juyub’ rech oxib’ nimatinamit rech ri triángulo norte, are rech pa komon kab’an ri chak rech pa kq’atexik ri molaj b’anol k’ax pa we amaq’ ri’.

Pa Jutiapa xemolin wiri’ ri e k’o chupam ri Fuerza de Tarea Sumpul rech El Salvador ruk’ ri Fuerza de Tarea Xinca,  pa komonchak rumal ri Viceministerio Antinarcóticos rech ri Ministerio rech Gobernación rech Iximulew, chi’ k’u ri’ rech ya’ol uchuq’ab’ ri nuk’chomam ri’ rech komontob’anik pa keb’ nimatinamit ri’ pa le komonchak rech kq’atexik ri b’anol k’ax chi’.

Eri taqim pa le riqb’alil ri’ are rech kak’oji pa aninaqil jun tzijob’enik chi ke kuwach ri keb’ nimwokajil chajinelab’ ri’, jeri’ rech pa le uchomaxik ri cholchak chi rij ri’ xuquje’ rech kq’atexik ri e ajk’ayin awan kunb’alil, ri awan k’ayin jastaq aduanero, rech q’atel k’ayin k’aqb’al maj pa usaqil, ri ub’anik k’ax che kik’aslemalil ri winaqil ri’. are wa’ uwach ri kachomaxik pa taq keb’ ik’ ri’ kumal ri fuerza de tarea rech taq nimatinamit ri’.

Jeri’ pa Agua Caliente, Esquipulas, rech pa tinamit Chiquimula, xemolin k’ut ri Fuerza de Tarea Chortí rech Iximulew ruk’ ri rech Maya Chortí rech Honduras, chi’ k’u ri’ kakib’an wi’ uwa’katexik ya’olchajinik ri’ xuquje’ rech ya’otlzijob’exik uwach ri chajinem chi’.

Eri komonchak rech ya’olchajinik kumal ri Fuerzas de Tarea rech ri oxib’ nimatinamit are xb’antaj ri’ rumal ropanik chi’ ri Secretario Adjunto rech Defensa rech ri Estados Unidos rech b’anow chomanik Latinoamericanos, Sergio Peña, le achb’ilam rumal ri ministro rech  Gobernación Enrique Degenhart Asturias, xe’opan ri’ pa rachoch k’olib’al ri Fuerza rech Tarea Tecún Umán pa le k’ulb’a’t juyub’ rech Iximulew ruk’ México. Eri patanel estadounidense k’o jun upetib’alil xub’an pa we amaq’ ri’, rech xpe che rilik reta’maxik ri ya’olchajinik b’anom chi’.

Pa le junab’ 2017 eri Iximulew k’o jun raqon awan kunb’al rech cocaína xub’an ri’ are chi’ xuraqo 13,659.40 kilos xuquje’ k’a pa le 13 rech marzo rech pa we junab’ ri’ aretaq xraqik 3,110.58 kilos rech cocaína eri rajil are ri’ Q309.5 millones ri’.