eri Fuerza rech Tarea Xinca are kachajin pa k’ulb’a’t juyub’ ruk’ El Salvador

179

Eri Fuerza rech Tarea Interinstitucional Xinca rech kunimaj upatanixik le jun ub’eyal cholchak k’o wa’katem ya’olchajinik, tajin kub’an ruk’ taq tzukunik pa le k’ulb’a’t juyub’ ruk’ El Salvador ri’ rech keq’atexik ri nuk’wokaj b’anow kamisanem kuk’ ri e ajk’ayin awan kunb’alil ri’.

Eri Fuerza rech Tarea ri’ are xjaq uwach pa le 30 rech agosto kanoq xumaj k’ut ri ya’olchajinik pa taq le rech septiembre ruk’ taq wa’k’atem ya’olchajinik pa taq le juyub’ tinamit rech Jutiapa, Santa Rosa xuquje’ Escuintla, xuquje’ pa taq le uq’ab’tinamit rech Ipala, jeri’ pa Quetzaltepeque xuquje’ ri Concepción Las Minas rech Chiquimula ri’.

Eri ya’olchajinik ri’ are k’o utzalaj uwachinik xuya’ k’ut rumal ri’ e k’o nik’aj winaq kab’ixik e ajk’ayin awan kunb’alil pa juntir ri’ xuquje’ kab’ixik k’o k’aqb’al keqam maj pa usaqil ri’, xuquje’ k’o awan kunb’alil xraqataj kuk’, k’o k’i k’ayij maj pa usaqil xkikok loq pa amaq’ tinamit ri’ xuquje’ e k’o k’i molaj b’anol k’ax che ri kakib’an k’ax chi ke winaq ri’ xechapatajik.

Xuquje’ are k’o nim xtob’an ruk’ le Cholchal ub’i’ Fortaleza ri are ri’ k’o nim ya’olchajinik katajin che ub’anik p ata le juyub’ tinamit rech taq Suchitepéquez xuquje’ pa Retalhuleu che uya’ik tob’anik che ri Fuerza rech Tarea Tecún Umán chi uchi’ taq ri saqlow ri’.

Eri Fuerza rech Tarea Xinca wokotal uwach ri’ rumal taq ri eqa’lenelab’ rech ri Wokajil Ajchajil Tinamit xuquje’ kumal rajchak eqa’lenelab’ rech ri Wokajil Ajchajil Amaq’ rech Iximulew ri’, are jun ri SAT xuquje’ ri K’amow ub’e ri Migración ri’.

COMPARTIR