Eri Gobernación are jun pa le uwokik ri pwaqil rech tojb’al chak 2,017 ri’

302

Eri Ministro rech Gobernación, Francisco Rivas, e rachb’ilam ri uviceministros rech ya’olchajinik, ri rech q’atenik b’anoj k’ax, ri rech antinarcóticos xuquje’ ri rech ilonb’al uchak taqawokajil ri’ ri xek’oji k’ut pa le nuk’chomanik tzij ri’ ri xya’ wi pa k’utik ri pwaqil rech tojb’al chak jaqatil uwach 2017, ruk’ ri nima k’amal b’e Jimmy Morales xuquje’ ruk’ ri Komon Winaqilal e ajchomanelab’ ri’.

We jun nuk’chomanik ri’ are kutzukuj rech kaya’taj reta’maxik che ri komon winaqil, jas ub’antajik ri’ aretaq xjach kanoq le Ministerio rech Gobernación ri’ pa kiq’ab’ ri k’ak’ taq q’atb’altzij k’a te xe’ok ri’.

Eri taqawokajnel rech ya’olchajinik pa amaq’ ri’, Francisco Rivas, xuya’ ub’ixik che ri taqawokajil ri’ k’o nim elaq’nik xb’an chupam ri’ xuquje’ k’o nim k’asaj xoksax wi kanoq.

 “Qonojel k’ut kujchakunik rech kaqachomaj ri rajawaxik che ri taqawokajil ri’ xuquje’ are wa’ kachakuj uwach pa nim usaqilal ri’ xa’rumal k’ut we kamik kujtajin che umolik uwach ri chokonsab’al ri’ rech k’o jun utzalaj chak patan kab’an ri’” xcha’ ri Rivas.

Eri nima k’amal b’e rech amaq’ Jimmy Morales, xutzijoj che ronojel ri taqawokajil rech amaq’il ri’ k’o ri rajawaxik chi ke, “rumal ri’ ya’tal b’a’ ronojel ri kakichokonsaj konojel ri’ rech kanimaxik kichomaxik ri’, ri qas rajawaxik rech kab’an utzilem pa we amaq’ ri’”.

Eri Ministro rech Finanzas Públicas, Julio Héctor Estrada, xub’ij che qas kab’an uchomaxik uwach ronojel ri ch’ob’otal chak rech taq ri taqawokajil amaq’ ri’ xuquje’ aretaq kab’antaj ri chomanik chi rij ri’ kaya’taj ri’ ri chokonsab’alil rech kakojik pa le uchomaxik ri rajawaxik chi ke ri winaq ri’, aretaq kataq ukojik rumal ri Nimawokajil B’anol Taqanib’al pa Amaq’il ri’.

Eri komon winaqilal, xuki’kotirsaj ri chak patan b’anom kumal ri q’atb’altzij rech Gobernación, xuquje’ xepixb’an chi ke rech k’o pa usaqilal kakikoj wi ri chokonsab’alil pa taq le taqawokajnem ri’, kojpa’ pa le Wokajil Ajchajil Tinamit xuquje’ pa le Wokajil Japache’ Tz’apib’al ri’.

COMPARTIR