Eri Gobernación katajin che uloq’oxik uwach kipatan ri e ajchajil tinamit

258

Pa San Rafael Pie de la Cuesta San Marcos, chi’ xjaq wi ri k’ak’ kik’olib’al ajchajil tinamit are ri’ pa le 42-72, ri ke’uq’i’ chupam e 75 chi eqa’lenelab’ rech ri Wokajil Ajchajil Tinamit (PNC) e are ri’ kechajin chi’ chi ke e kajib’ mil chi winaqilal ri’, are wa’ pa le ub’anikil uloq’oxik kipatan ri e ajchajil tinamit ri’.

Are wa’ xjaqataj uwach uchak patan rumal ri’ Ministro rech Gobernación Francisco Rivas Lara, rumal ri k’amal b’e Amaq’il Jimmy Morales, rumal ri’ K’amal b’e rech ri Banco Interamericano rech K’iyemalil Carlos Melo, xuquje’ rumal ri Ajkalte rech pa Tinamit ri’ Carlos Mazariegos.

 

Eri Rivas Lara xuya’ ub’ixik che ketajin che uchakuxik uwach ri rachoch ya’olchajinik pa tinamit San Marcos ri’, “kaqeye’j pa we nab’e uwach waqib’ ik’ ri’ rech kejaq na nik’aj chik uk’olib’al ya’olchajinik pa juyub’ tinamit ri’ jeri’ pa taq nik’aj chik tinamit ri’”.

 

Eri rajil ri uk’olib’al ya’olchajinik pa tinamit ri’ are xopan pa Q 2, 714,127.42, are wa’ xtojotaj ruk’ ri pwaqil rech le Banco Interamericano rech Wa’alijsanem ri’ (BID), pa le upatanil ri Cholchak rech Tob’anik che ri Wokajil Q’atb’alzij ri’, xuquje’ rech tojb’al qojom rachoch ri’, rech solwachinem, rech uno’jisaxik che jastaqil ri’.

Eri K’amal b’e Amaq’ Morales, xub’ij are jun chi ke ri wuqub’ chi k’olib’alil ri’ che ri katajin upatanixikm rumal ri BID, “eri uno’jixik wa’ are rech k’o jun utzalaj kik’ojemal chi’ ri e ajchajil tinamit ri’ pa le uya’ik jun utzalaj ya’olchajinik chi ke ri winaqila ri’”.

Sib’alaj xtzijoxik che are jun chi ke unimal uwach ri chak rumal ri Ministerio rech Gobernación pa le ub’anik utzil chi ke ri kipatan ri eqa’lenelab’ rech ri Wokajil Ajchajil Tinamit ri’ (PNC).

Eri uk’olib’al ya’olchajinik chi’ are xyakik pa jun peraj juyub’ che sipam rumal ri q’atb’altzij pa tinamit ri’ xuquje’ are wa’ keb’ uwokik uwach b’anom ri’, jun chi uxe’, ri jun pa uwi’ ri’, pa le ukab’ upam k’o pa uwi’ are kek’oji wi ri eqa’lenelab’ ri’, ri jun chik are rech jachakunb’al upatan kakoj wiri.

Eri uk’olib’alil ri’

Eri k’ak’ rachoch pa San Rafael Pie de la Cuesta San Marcos are wa’ ri urox che ri jaqem chik uwach kumal ri’ q’atb’altzij rech Taqawokaj pa Amaq’, are pa we junab’ ri’ chomatal chik kejaq kuwach e 24 chi k’olib’alil rech ajchajil tinamit ri’.

Pa le jo’ob’ q’ij enero kanoq are xjaqik keb’ Uk’olib’al rech ri PNC, jun pa Teculután xuquje’ ri jun chik pa Gualán pa le juyub’ tinamit rech Zacapa ri’.