Eri Gobernación kuk’ ri ajkejach’ich’ ri’ xkikoj uwach b’anoj chomanik chi kuwach ri’

108

Are rech kilik we qas kakikojo ri chaleco ruk’ ri casco kumal ri ajkejach’ich’ ri’ are ri’ tajin ukub’saxik uwach ri’ rech man k’ot ajb’anol k’ax ri’, rumal ri’ eri viceministro rech seguridad rech Gobernación, Ricardo Guzmán, kuk’ ri Diputados rech ri Bancada Convergencia xuquje’ kuk’ ri ajk’amal b’e kech ajkejach’ich’ rech Iximulew ri’, xemolin k’ut rech xkitzijoj ri utzilem kuya’o aretaq we kakikojo wa’ jastaq ri’ ri taqom kakojik rumal ri acuerdo gubernativo 105-2009 ri’.

Chuwach k’u wa’ eri ajchomanel chi rij wa’ ketajin pa jun chomanik chi rij ri’, chi’ tajin utzijoxik ub’anikil chi rij ri tajin kakita utzijol kumal ri ajkejach’ich’ ri’ rech kak’ex uwach ri jun acuerdo gubernativo ri’.

Eri viceministro, Ricardo Guzmán, xkub’isaj ub’ixik che we jun etab’an q’atoj ri’ are ri kutzukuj ri’ are man karaj taj eri kakikejej ri ch’ich’ ri’ man k’ot b’a’ k’ax kakiraqo pa taq le nima b’e ri’.

Rumal k’u ri’ xuk’am uq’ab’il rech katzijon kuk’ ri ajk’amal b’e kech ri ajkejach’ich’ ri’ rech kachomaxik ri tajin kakitotab’ej ri’.

Eri ajk’amal b’e kech ri ajkejach’ich’ ri’ Pedro Ruiz, xuta ri are kak’ex b’a uwach ri jun acuerdo ri’ che ri kataqanik rech kakoj ri jastaq aretaq kakib’insaj ri kejach’ich’ pa taq nima b’e uxo’l ja ri’.

 “Aretaq xtaq chaqe rech kaqakojo ri chalecos ruk’ rajilab’al ri plakas ruk’ ri casco ri’, kab’ix chaqe uj kamisanel, xuquje’ sib’alaj q’alaj xutum qawach ri uj ajkejach’ich’ ri’”, xcha’ ri Ruiz.

Eri Diputado Álvaro Velásquez, xuya’ ub’ixik che katajin katzukuxik ri ub’anikil rech kakoj ri’ rech kaqatzijoj na ri’ man rech ta kab’an tane k’ax chi ke ri’.

Pa le Iximulew ri’ k’o jun 1.2 millones che winaqilal keb’in chi rij taq kejach’ich’ ri’, are k’ut rajawaxik kakikojo ri tzijb’alil chi rij taq ri chalecos rech e q’alaj aretaq e k’o panoq pa 50 metros ri’.

Nota: Flor de María Ortiz. 

Swiffy Output
COMPARTIR