Pa le k’uttijonik rech ri Presupuesto Abierto ri’, ri xb’an pa le Salón Banderas, rech ri Palacio Nacional rech ri Cultura rech ri Ministerio rech Gobernación ri’ chi’ xetatb’en wi’ ri viceministros rech Seguridad, ri rech Q’atel b’anow k’ax xuquje’ ri viceministro administrativo, Manuel Alfonso Castellanos chi’ xkiya’ wi’ utzijob’exik che sib’alaj rajawaxik ri’ Q 6 mil 094. 9 millones chi pwaqilem pa ronojel rech kab’antaj kowinem le ya’olchajinik chi ke ri winaq tinamit chi’.

Eri Castellanos xuya’ ub’ixik che rumal k’ut xnimarik uwach ri rajawaxik chi’ xuquje’ ri cholchak rech k’o nim kupatanij chi’, kumal ri Wokajil Japache’, ri Migración, ri Wokajil Ajchajil Tinamit ri’.

Pa taq le xub’ij ri Castellanos chi’ xuya’ ub’ixik ucholaj ri ri k’amow ub’eyal ch’ob’otal chak chi’ rumal ri Taqawokajnem rech Ya’olchajinik pa Amaq’, are wa’ xumaj ub’anik pa le K’atun 2032 are pa jun ub’eyal ch’ob’otalil chak kab’an ri’ rech kakub’isax uya’ik jun utzalaj uwach kik’aslemal ruk’ utzilem chi ke ri winaqil ri’ xuquje’ rech kapatanixik ri cholchak, rech ya’olchajinik rech ya’el kub’sib’al k’u’x chi ke ri winaq chi’, ruk’ ri ya’olchajinik kab’an ri’ kumal ri e ajchajil tinamit, ri xkitijoj kib’ che ub’anik ri chak patan ri’ xuquje’ rech q’atel b’anow k’ax ri’.

Xub’ij chik chi rij uya’ik ri 22 kachoch taq e ajchajil tinamit, ri chomatal chik kayakik ri 21 ch’ob’otal chak rech yakib’al ja ri’ rech ri Wokajil Ajchajil Tinamit ruk’ 110 Q’inomalil chi pwaqilem ri’.

Xuquje’ are wa’ pa junamil uwach ub’anik xuquje’ pa junamil uwach ri chakub’al kakikoj ri e 1,500 chi atz’iyaqb’alil kakikoj ri e ajchajil tinamit ri’, rumal ri’ k’o 3,000 chi atz’iyaqb’al rech kakikoj ri’, k’o 40,000 chi juk’ulaj chi xajab’ kakijolij che kaqan ri’, ruk’ 118,000 chi atz’iyaqb’al chajchoj rij, 1,140 juk’ulaj chi xajab’ yuquyik, k’o kuchb’al jolom, k’o rijxa’, fill Jacket, keepers, atz’iyaqil kamu’taj taj rech kakikoj ri keb’in chi rij kejach’ich’, juk’ulaj taq xajab’, atz’iyaqil rech nimaq’ij, k’aqb’ali, rijxa’il, ruk’ nik’aj chik atz’iyaqil, jastaq, poq’sab’al xuquje’ yutb’al, b’aston, ri juntir chokonsab’al kakikoj ri e ajchajil tinamit ri’, ri pa ronojel k’o 474 chi q’inomal pwaqilem kumaj ri’ rech kaloq’ik.

Juntir wa’ kojom pa le pwaqil rech tojb’al chak patan 2019, e k’o e 3,000 k’ak’ eqa’lenel xkik’is katijob’exik xuquje’ e are ri’ xe’ok pa le PNC, are wa’ xumaj b’ik pa ronojel Q 351.6 chi q’inomalil pwaqilem pa jun junab’ ri’, are wa’ rech tijob’al kech xuquje’ rech tojb’al kichak patan ri’.

Eri Castellanos xub’ij ucholaj ri’ chomatal chik kayak rachoch ri Japache’ rech ketz’apib’ wi’ ri Achijab’ pa le finca Canadá, pa le rulewal tinamit rech Escuintla. Eri rachoch ri japache’ kayak ri’ are k’o keb’ upam ri ke’uq’i’o e 576 winaq ketz’apib’ chupam ri’ ri k’o 338,524 chi etok’al pa ukajtzalajil ri’.

Xuquje’ eri yakb’al rachoch ri japache’ rech ketz’apib’ wi’ ri achijab’ rech tojb’al kimak ri’ pa le rulewal tinamit rech Fraijanes, pa rulewal tinamit rech Iximulew. Eri ja achochib’alil kayak ri’ are wa’ rech Kachoch ketz’apib’ wi’ e 384 winaq pache’ ri’, ri k’o 21,800 chi etok’al pa ukajtzalajil ri’.

Eri Viceministro Administrativo xuya’ ub’ixik che ri ch’ob’otal chak ri’ are kumaj 18 chi ik’ rech kapatanixik ri’ are kumaj Q 400 chi q’inomalil chi pwaqilem ri’ rech kuya’o nim utzilem chi ke winaq rech ketz’apib’ chupam ri’ xuquje’ are wa’ ch’ob’otal chak kamajtaj uchakuxik pa le nab’e uwach waqib’ rech pa jun chik junab’ ri’.

Eri pwaqil rech tojb’al chak ri’ are kasach chi rij ub’anik le utzalaj ya’olchajinik chi’, rech utz b’anow tijonik chi ke xuquje’ rech k’o tijob’enik rech k’utb’e kaya’ ri’, rech are kakojik pa le kaq’atexik ri nik’aj e ajk’ayin awan kunb’alil rech majun chik kaloq’ow rech, katijow rech ri’, rech majun kak’ayin rech, rech k’o utz no’jimnik kaya’ ri’, rech k’o jun utzalaj k’uttijonik kaya’ chi rij ri ya’olchajinik winaqilal xuquje’ rech q’atel k’ax pa taq k’olib’alil winaqil ri’ rech majun b’anow k’ax ri’, xcha’.

Eri viceministro rech Ya’olchajinem, Kamilo Rivera, xuya’ ub’ixik che ri b’anom kowinem chakum chik pa le taqawokajnem ri’ pa taq le nab’e jo’ob’ ik’ rech ri 2018.

Xub’ij ri’ che pa le 31 rech mayo rech ri junab’ ri’ k’ot chik 3.118 chi b’anow k’ax xb’antaj tane’ chik, ma junam ta ruk’ ri xk’ulmataj pa taq le q’ij ri’ pa le junab’ 2016 chuwach ri xk’ulmataj pa le rech ri 2017. Eri tzijolil ri’ are chi rij taq ri b’anow k’ax kamisanik chi ke winaq ri’ xuquje’ chi rij b’anow k’ax che ujastaqil amaq’ pa tinamit ri’.