Eri INACIF kub’ij ri’ wexa’ e k’o e ajpache’ ketaq pa ja kununib’al rech yowab’ ri’

116

Aretaq xk’ulmataj ri b’anow k’ax kaq’anik pa le Hospital Roorsevelt, eri Ministro rech Gobernación Francisco Rivas Lara, xuya’ ub’ixik che ri  e ajpache’ keq’axaxik pa kunanib’al yowab’ pa uq’ab’ ri Instituto Nacional rech Ciencias Forenses (INACIF) we tz’aqat ri’ ke’utaq b’ik ri’.

Eri Rivas Lara, xuya’ ub’ixik che we kamik eri ub’anikil kiq’axaxk chik ri’ k’o jun chik ubanik ri’ “Eri kojtajin che uta’ik chi ke taq ri q’atb’altzij ri’ are nab’e na qas kakib’an rilik we rajawaxik ri’ ketaq pa jun Hospital ri’ kata ri’ jas ri kakib’ij ri e ajno’jinelab’ rech ri INACIF ri’, rech kaq’atexik ri b’anow k’ax ri’”.

Xuquje’ eri ajpatanel ri’ xub’ij che kakoj na ri’ Clínicas Móviles rumal ri’ Ministerio rech Salud ri’, e are ri’ kakilo rech kakikunaj ri e ajpache’ ri’ pa taq le japache’ tz’apib’al ri’ wexa’ pa aninaqil kilik ri’.

“Eri q’atol tzij ketaqan rech kiq’axaxik pa taq kunanib’al yowab’ ri e ajpache’ che qas e b’anol k’ax ri’, rumal ri’ kojkuya’o pa k’ax qonojel ri’ xuquje’ e k’o kekam chaqe ri’ ri uj Ajchajil Tinamit ri’ xuquje’ ri rech ri Wokajil Japache’ ri’, we kamik k’o e keb’ e ajchajil e ajpache’ ri’ xekamik” xcha’ ri Rivas.

Eri K’amal b’e rech ri Wokajil Ajchajil Tinamit, Nery Ramos, xub’ij che k’o ya’olchajinik kak’oji pa le Hospital Roosevelt xuquje’ San Juan de Dios ri’.

Eri k’amal b’e amaq’ Jimmy Morales, xuki’kotirsaj uwach uchak patan ri’ Ministro rech Gobernación rumal utzalaj xub’an we kamik pa le utaqawokajnem ri’. “K’o ri’ jun qaMinistro rech Gobernación sib’alaj suk’ pa le uchak upatanil ri’” xcha’ ri Morales ri’.
Are jun xk’oji chi’ ri  Vicepresidente Jafeth Cabrera, ri q’atb’altzij taq ri ja kunanib’al yowab’ ri’ pa we amaq’ xuquje’ ri Ministro rech ri Defensa Nacional ri’, Williams Mansilla ri’.

COMPARTIR