Eri Interpol Guatemala k’o kuya’o katzijob’exik kuk’ taq tinamit naj chi rij kitzijol winaq kanim kib’

400

Eri Iximulew are jun chi ke ri e 190 amaq’ tinamit e ajkomon pa le “OIPC-INTERPOL” “Nuk’wokaj pa Uwachulew rech ri Policía Criminal” (International Criminal Police Organization, are ub’i’ pa inglés tzij) ri k’o uk’u’x rachoch pa Lyon, Francia ri kuya’ katzijob’exik ri winaq kiwam kib’ qaraj e 150 chi winaq e aj iximulew ri’.

Eri chakunem ri’ rech kaya’ jun utzijob’exik are rech kaya’ uchuq’ab’ ri tzijob’enik chi ke ri e ajchajil tinamit pa uwachulew sib’alaj kub’sib’al k’u’x, rech b’anow tob’anik xuquje’ tob’anik chi ke ri nuk’wokaj winaqilal, ri q’atb’altzij xuquje’ chak patan are utaqim kiq’atexik b’anol taq k’ax pa uwachulew ri’.

Eri Ronaldo García, k’amal b’e rech tzukno’jchak rech ri Wokajil Ajchajil Tinamit, xuya’ ub’ixik che ri uwach ri Interpol e k’i winaq e aj iximulew e chapom chik ri’ xuquje’ ri xkanij b’ik kib’ pa taq nik’aj chik amaq’ tinamit ri’.

“Pa Interpol ri’ k’o jun uwachwuj kojom ri’ pa le utzijob’exik xuquje’ are tojom ri’ chi’ k’u ri’ kaya’ wi kitzijol winaq che ri sib’alaj katajin katzukuxik rumal k’o b’anow k’ax kib’anom ri’ pa le uwachwuj ri’ kilotaj wi kumal ri q’atb’altzij ri’”, xcha’ ri García.

Eri Oficina Central Nacional (OCN) rech INTERPOL pa Iximulew ri’ are uwach uq’ab’ ri Subdirección General rech Investigación Criminal rech ri PNC ri’.