Eri Interpol k’o 150 winaq e aj iximulew xechapataj loq pa jun junab’ ri’

710

Eri taqim ri’ are katerenb’exik wa’ kachapik ri winaq e aj iximulew che ri e b’enaq naj che qatinamit ri’ rech k’ot kechapow kech, eri,  Interpol Guatemala xub’ che e k’o 150 qawinaq e chapom chi loq pa taq le tinamit naj e aj wokajil rech b’anow tzukunik pa taq tinamit pa uwachulew ri’.

Eri e a iximulew che ketzukux pa taq tinamit naj rumal taq k’o k’ax kib’anom ri’ e k’o pa le uwachwuj rech Interpol Guartemala ri’, jeri’ xuya’ utzijoxik rumal ri Ronaldo Garía rech ri subdirección rech investigación rech ri Wokajil Ajchajil Tinamit xub’ij ri’ che ri tzijob’en ib’ kuk’ taq ri tinamit e k’o pa uwachulew rech pa amaq’el kechap loq le winaq che ri taqom kichapik.

“Eri komon tob’anik chi kuwach ri tinamit pa uwachulew ri’ are k’o nim kupatanij rumal are pa aninaqil ri’ ketaq loq ri winaq e aj iximulew che ri kechap loq pa taq tinamit naj ri’”, xcha’ ri Garcia García aretaq xutzijol che ri Estados Unidos are ri nimatinamit che e k’i winaq e aj iximulew e utaqom chi loq che ri k’o k’ax kib’anom ri’, “pa jun 80% por ciento chi ke ri winaq che xa’ xkanij kib’ xeb’e pa le nimatinamit la’ xuquje’ e are k’ut che tajin kechap loq xuquje’ aretaq che ri sib’alaj katajin kichapik ri’”.

Eri b’anow k’ax che ri qas kab’antaj kumal ri winaq ri’ are kamisan winaq, b’anow kamisanik, b’anow toq’inik pwaq xuquje’ b’anow jo’sinem winaq ri’.

COMPARTIR