Eri INTERPOL xuk’am loq pa Argentina ri rachalal ri Ex ministro rech Comunicaciones, Alejandro Sinibaldi

593

Aretaq xb’antaj jun nimalaj komonchak kumal eqa’lenelab’ rech ri INTERPOL we kamik xikik’am loq pa Argentina, ri Jaime Ramón Aparicio Mejía, rachalal ri Ex Ministro rech Comunicaciones, Alejandro Sinibaldi, eri umak kab’ixik rumal k’o elaq’ xub’an chi rij ri jun Yakon ja xuquje’ pa taqawokajil ri’.

Eri Aparicio Mejía xchapataj ri’ pa 19 rech septiembre pa Buenos Aires, Argentina rumal ri Ajchajinelab’ rech pa nimatinamit la’, e are k’ut xkimaj utoq’ixik rech xtaq loq chi’, aretaq xq’alajinik taqom panoq uchapik pa taq tinamit pa uwach ulew ri’ rumal ri’ eri INTERPOL Guatemala xutaq uk’amik loq pa le waqxaqib’ rech pa ik’ ri’.

Eri achi ri’ xopan k’ut pa le Aeropuerto Internacional La Aurora pa jun xik’ach’ich’ xopan chi’ pa taq ri 13:44 horas, kajim kumal eqa’lenelab’ rech INTERPOL ri’ ri xek’amow loq xuquje’ e are k’ut xek’amow b’ik pa nimq’atb’altzij pa le Torre rech Tribunales rech kuchomaj rib’ chi’.

Eri Jaime Ramón Aparicio Mejía taqom k’ut uchapik k’a pa le 11 rech julio rumal k’ut eri umak kab’ixik are b’anow elaq’nik pa jun Nimyakon ja xuquje’ b’anow elaq’ pa taqawokajil ri’ jeri’ kab’ix chi rij rumal ri’ ri Q’atb’altzij ub’i’ Fiscalía Especial rech Q’atenik uwach Impunidad ri’ (FECI).