Eri Iximulew are k’utb’al ya’oltob’anik chi ke winaq kito’m kib’ xcha’ le ACNUR

204

Pa le jo’lajuj junab’ rech ri Sistema Nacional rech Protección rech Refugiados, xujach ri ub’ixikil rech rajilaxik ri tob’anem chi ke winaq kito’m kib’ rech 2002 pa 2016 ri’, chi’ k’u ri’ eri Iximulew are xya’taj ub’ixik che ajkuta’n pa le kito’ik ri taq ak’alab’, taq ala taq ali ri’, alab’om alitom rech taq nimatinamit jacha’ El Salvador xuquje’ Honduras, che ri ke’ok’ow ri’ xuquje’ ri ketzalij loq.

Pa le molin ib’ ri’ xtatb’en wi ri Viceministra Administrativa Vilma del Rosario Xicará, ri Carolina Miranda, K’amal ub’e ri Migración ri’ jeri’ ri Enrique Valles, k’amal b’e rech ri Alto Comisionado rech taq  Naciones Unidas rech ri Refugiados pa Iximulew ri’ (ACNUR).

Eri Miranda kub’ij, eri xraqataj ri’ pa le ub’ixikil are kuk’utu che k’o 206 por ciento che ronojel rajilab’al ri’ are xta ri’ rech kek’oji ri winaq pa Iximulew ri’ k’a pa 2014 pa 2016 ri’, chi ke k’u ri’ eri 95 taq ala taq ali, alab’om alitom ri’ k’a pa 2002, e k’o e jo’ob’ alab’om alitom ri’ man k’ot xe’achb’ilan ri’. Eri kito’m kib’ ri’ e a 9 ri’ rech taq El Salvador, Honduras xuquje’ Nicaragua ri’.

“Eri ub’anikil ri b’anow k’ax pa taq ri nimatinamit rech paqalik che ri Centro América e utoq’im e k’i winaq che ri e petinaq kito’m kib’ ri’, e are ri’ rch El Salvador xuquje’ Honduras. Eri Nimatinamit Iximulew ri’ uya’om tob’anik chi ke ri taq ak’alab’ xuquje’ chi ke ri’j winaq ri’”, xccha’ ri nan patanel ri’.

Eri k’amal b’e rech ACNUR ri’, Enrique Valles, xub’ij che ri nimatinamit Iximulew ri’ are ajk’uta’n rech ub’anikil tob’anik chi ke wina che ri kakito’o kib’ ri’.

“Eri chak che ri uk’amom uq’ab’il ri Iximulew ri’ are sib’alaj utz, uya’om k’ut ya’olchajinik chi ke ri winaq che kanim kib’ e petinaq pa jalajoj taq nimatinamit ri’, e are wa’ e ajk’uta’n rech tob’anik chi ke ri winaq kito’m kib’ chi’”.

Pa k’isb’al rech, eri viceministra Xicará xka’mulij ub’ixik che ri tob’anik chi ke ri winaq e aj iximulew ri’ xuquje’ chi ke ri kito’m kib’ ri’ pa we amaq’ ri’.

COMPARTIR