Eri Iximulew ruk’ Chile xkitz’apij uwach ri nimariqb’al chomanik ri’

290

Ruk’ ri Q’atchomanik ub’i’ “Kojb’al rech ri B’anow Chomab’al rech Saqilem Chak Patan pa Tinamit ri’”, xk’is pa le uya’ik utzijoxik ri k’aslemamtzij chi kuwach Iximulew ruk’ Chile pa le Ya’el Ilonem chi ke taq ri ak’alab’ taq ala ali xuquje’ ri alab’om alitom ri’ e kalk’uwal winaq e k’o pache’ ri’.

Pa le jun Panel Foro xtatb’en wiri’ le Viceministro rech Q’atel k’ax, Axel Romero, rachib’il ri Embajador de Chile, Domingo Namuncura, ri k’amal b’e chomanik rech ri Secretaría rech Bienestar Social, rech ri Wokajil Ajchajil Tinamit, rech ri Ministerio Público, rech ri Defensoría Pública Penal, rech ri UNICEF, rech ri ONU MUJERES, xuquje’ rech ri Komonb’alil ri’Artesana, rumal ri Fondo Chile, ri Organización En Marcha, ri Gendarmería xuquje’ ri Ministerio rech Desarrollo Social ri’

Ruk’ we jun ilb’anik ri’ xtz’apix uwach ri jun riqb’al chomanik ri’ ri xb’an pa jo’ob’ q’ij ri’ chi’ k’u ri’ eri wokajil chilenas xya’taj chi ke ri rech xkich’ob’ xketa’maj ri qas b’antajil rech pa amaq’ ri’ pa le ya’b’al ilonem chi ke ri alaj taq ak’alab’ ri’ che ri kalk’uwal winaq e k’o pache’ ri’ xuquje’ rech pa le uya’ik utzijoxik ri k’aslemamtzij pa Chile ri’ k’a pa lajuj chik junab’ ri’ pa le kojb’al upatanixik we jun cholchak ri’.

Eri Viceministro Romero xuya’ ub’ixik che are kuchomaj kupatanij na ri k’axk’olil tajin kakik’ulmaj ri taq ak’alab’ kalk’uwal winaq e k’o pa taq Japache’ ri’, are rech uq’atexik b’anow k’ax ri’.

“Are k’o nim kupatanij chi ke ri alaj taq ak’alab’ ri’ kalk’uwal winaq e k’o pache’ man xaq tari’ rech k’ot kakik’ulmaj tane’ pache’ tz’apib’al ri’ xane’ rech man kakil tane’ jun itzelal keraqataj wi ri kinan tat e k’o pache’ ri’”, xcha’ ri Romero.

Pa le ch’ab’enik xb’an chi’ are taq wa’ uwach ri xb’antaj kowinem xchakux ri’ pa le K’ak’ Ub’anikil Taqanik rech Ilob’al chi ke ri taq ak’alab’ ri’ kuk’ ri alab’om alitom kalk’uwal winaq e k’o pache’ ri’ jacha’ ri kataqon wiri’ jun q’atchomanik rech ri Ministerio rech Gobernación ri’ No. 64-2016.

Eri Francisca Hidalgo, K’amal b’e rech ri ONG En Marcha, xutzijoj che ri utaqim uwach pa we jun q’atchomanik ri’ are rech keta’maxik ri utzalaj taq b’anikil b’anom Chile rech kakoj wari’ chi’.

“Eri q’atchomanik ri’ are kuchomaj ub’anik chomanem tzijonem chi rij reta’maxik ri k’aslemamtzij ri’, rech pa le uwokik uwach jun b’e rech komontob’anik rumal ri taqwokaj kuk’ ri komon winaqilal Chile-Iximulew ri’ rech katerenb’exik upatanixik we b’anow chak patanem ri’, pa le uwa’lijsaxik xuquje’ utob’ik uwach ri ya’talil chi ke taq ala ali xuquje’ chi ke ri alab’om alitom kalk’uwal winaq e k’o pache’ ri’”, xcha’ ri Hidalgo.

Eri Fondo Chile pa amaq’el xuk’am ri patan rech tob’anik pa keb’ junab’ ri’, rech utzijoxik ub’anik ri utzalaj taq b’anow chak patan ri’ xuquje’ rech kakojik ri cholchak chi rij taq kachb’ilaxik ri taq ala ali, alab’om alitom ri’ ri kalk’uwal winaq e k’o pache’ ri’.

COMPARTIR