Eri Iximulew ruk’ Chile xkitzijoj ri kik’aslemal chi rij ri ilonem chi ke ri taq ak’alab’ kalk’uwal le e ajpache’ ri’

239

Eri q’atb’altzij rch ri Ministerio rech Gobernación, ruk’ ri Gobernación Departamental, ruk’ ri e ajchomanelab’ rech riColectivo Artesana xuquje’ Fondo Chile ketajin che b’anow ch’ab’enik pa taq japache’ rech pa we amaq’ rech kaketa’maj jas b’antajil keraqataj wi ri taq ak’alab’ taq ala ali ri’ kuk’ ri alab’om alitom kalk’uwal ri e ajpache’ ri’.

Pa le urox uq’ij ri b’anow ch’a’b’enik pa Japache’ ri’ rech Los Jocotes k’o pa Zacapa, chi’ k’ut ri chomam chik kayak ri’ jun ja k’olib’al rech ya’b’al ilonem chi ke taq ak’alab’ ri’ kuk’ ri alab’om alitom che ri ke’opan che uch’ab’exik jun ajpache’ chi’, rech k’o kek’oji wi aretaq ke’opan pa ch’ab’enik chi’.

Eri utaqim ri jun solinik xb’an pa taq le Japache’ ri’ are ri’ rech kakiya’o ub’ixik ri kik’aslemal ri’ pa taq le nimatinamit rech ri Chile, Panamá xuquje’ pa Iximulew ri’ are rech b’a’ k’o jun utz ilob’al kaya’ chi ke taq ri ak’alab’ chi’ xuquje’ rech b’a’ kakojik keb’ cholchak rech ilob’al ri’ ruk’ Enfoque Sociocomunitario, jacha’ ri “Kojtajin che Ujaqik B’e ri’”che ri kuchakuj xuquje’ kuno’jij kib’antajil kichomab’al taq ri ak’alab’ ala ali pa taq katinamit ri’ xuquje’ “Tajin Kojk’iyar Junam ri’” che ri katajin upatanixik kuk’ taq ixoqib’ che ri e k’o taq kal kuk’ pache’.

Eri Luis Sepúlveda, K’amal b’e rech Chak Patanil rech ri ONG En Marcha ri are xub’ij che ri upetib’al chi’ are k’o pa le cholchak rech ri Fondo Chile, che ri wokol uwach ri Taqawokajil rech ri Taqawokaj pa Amaq’ ri’ ruk’ ri komon winaqilal ri’, ri Red de Infancia k’o Panamá, ri En Marcha, Chile xuquje’ ri Colectivo Artesana k’o pa Iximulew, e are k’ut e pa le chomanik chi rij wari’.

Eri Andrea Barrios, ajchomanel rech ri Colectivo Artesana, Chile are jun nimatinamti pa Latino América ri k’o chik lajuj junab’ katajin che upatanixik jun cholchak rech ilob’al chi ke taq ak’alab’ kalk’uwal winaq e k’o pache’ ri’.

“Eri tob’anik che ya’tal rumal ri Fondo Chile are kanajtib’ keb’ junab’ ri’ xuquje’ are xucha’o ri Iximulew ri’ rumal are jun amaq’ nimatinamit che katajin wi utzalaj taq b’anikil ri’”, xcha’ ri Barrios.

Eri Iximulew are ri keb’ amaq’ nimatinamit rech Latinoamérica che ri k’o jun Ub’anikil Chomab’al xuquje’ ruk’ jun Ub’anikil rech Ilob’al kech taq ak’alab’ ala ali kuk’ alab’om alitom ri’ che ri kalk’uwal winaq e k’o pache’ ri’ are chochak ri’ taqom upatanixik rumal ri’ Ministerio rech Gobernación  No. 64-2016.

Eri uwach we jun cholchak ri’ are kakojik pa oxib’ Japache’ ri’: pa Los Jocotes, Zacapa; pa Japache’ Cobán, Alta Verapaz xuquje’ la Nimalaj Japache’ Fraijanes; ri cholchak rech ilolb’al kech taq ak’alab’ che ri kalk’uwal winaq e k’o pache’ ri’.

COMPARTIR