Eri Iximulew tajin che uq’atexik uchuq’ab’ b’anow k’ax kamisanik pa jun 50%

318

Eri Urxo Viceministerio rech Q’atel k’ax ruk’ ri Molaj kech Q’apojil Alab’om Alitom rech Q’atel b’anow k’ax e are xkiwok uwach ri Nimaq’ij rech Ya’b’al K’aslemalil are kataqim kepixb’anik chi ke ri e q’apojil alab’om alitom chi rij ri kupatanij uq’atexik ri b’anow k’ax xuquje’ rech uqajisaxik uchuq’ab’ b’anow kamisanik pa we amaq’ ri’.

Eri Nimaq’ij ri’ are xb’antaj pa le 4 Grados Norte chi’ xetatb’en wi e jalajoj kuwach ri molaj kech q’apojil alab’om alitom ri’, eri’ kitatb’enik ri Q’atb’altzij rech Santa María Visitación, San Marcos xuquje’ Villa Nueva, ri Procuraduría rech ri Ya’talil chi ke Winaqib’ (PDH) xuquje’ ri Unidad rech Q’atel b’anow k’ax pa Komonb’al Winaqilal ri’ (UPCV) e are ri’ tajin kakipatanij ilb’anik rech ya’oltzijolil ruk’ retz’baxik jujun taq chomanik kuk’ ri e ch’uti’n taq ak’alab’ ri.

Pa le ilb’anik ri’ xtatb’en wi ri Urox Viceministro Axel Romero ri xuya’ ub’ixik che we jun Nimaq’ij ri’ kuk’ ri Q’apojil Alab’om Alitom are rech uq’atexik b’anow k’ax rech uq’atexik uchuq’ab’ b’anow kamisanik ri’.

“Eri utaqim le jun ya’ltzijol ub’i’ Instinto de Vida are karaj kuchakuj uq’atexik ri b’anow k’ax pa we amaq’ pa jun 50% pa le lajuj junab’ petinaq ri’”, xcha’ ri Romero.

Eri taqawokajnel ri’ xuya’ ub’ixik che we jun raqow ropanik chak ri’ are rumal k’ut pa taq le k’isb’al waqxaqib’ junab’ ri’, rech pa 2009 k’a pa we q’ij ri’, are xb’antaj uq’atexik pa jun 56% ri b’anow kamisanik ri’, eri ub’anikil ri’ are xtob’anik rech xkoj pa le cholb’i’ rech ri Programa Mundial rech Uq’atexik B’anow k’ax kamisanik ri’, ri kukoj ropanb’al patan ri’ pa we amaq’ rech pa le uq’atexik pa jun 50% ri b’anow taqkamisanik pa le lajuj junab’ ri’.

Ruk’ wa’ eri rilb’anik chak patn ri’ are tajin karaj kakojik ja’mril rech k’o kitatb’enik ri q’apojil alab’om alitom e taqal na rech e are jun pa le chak patan ri’ rech pa le utz taq b’anow ri’ pa le uq’atexik b’anow k’ax ri’, xuquje’ rech are kakilo aretaq kuk’ut rib’ ri’.

Rumal k’ut eri qas kakutunsa’n we jun k’ax ri’ aretaq k’o xutb’an ib’ kab’an ri’, eri maj loq’oq’ej chi ke ri q’apojil alab’om alitom che ri are e k’o pa tijoxik ri’ xuquje’ aretaq maj ya’elchak patan chi ke rech kakiloq’oq’ej kib’ ri’.

We kamik pa Iximulew eri rajilab’al b’anow kamisan winaq are k’o pa 26 che jujun taq 100 chi winaqilal ri’.