Eri Iximulew xtatb’en pa le molinem rech chomanik chi rij winaq keq’ax pa amaq’ ri’

64

 

Pa oxib’ q’ij pa san Ignacio, le Cayo, Belice xb’an wi’ le XLVII molinem rech chomanik rumal ri’ Comisión rech Autoridades Migratorias rech taq nimatinamit rech ri Molaj uwach rech Integración Centroamericana xuquje’ ri Comisión Centroamericana kech K’amal b’e rech Migración (OCAM), chi’ k’u ri’ eri k’amal b’e rech Wokajil rech Migración xtatb’enik rech k’o chomanem xkib’an chi rij kiq’axnik winaq pa taq amaq’il ri’.

Pa le xchomax uwach ri’ are eri q’atb’altzij rech ri Organización internacional rech ri Migraciones (OIM) xuquje’ rech ri OCAM rech katerenb’ex uya’ik tob’anik pa taq rulewal tinamit ri’ chi rij kiq’axnik winaq pa taq amaq’il ri’.

Xuquje’ eri chakunem ri’ are rech ya’talil chi rij uob’anik jun b’anow chomab’al ub’anikil Migratoria Regional Integral, rech kilik uya’ik jun utzalaj tzijolil chi kij ri winaqil che ri keq’ax chi’ xuquje’ jacha’ le tz’ib’atal pa taq le kiwujq’axb’al pa taq amaq’ ri’ rech uya’ik uchuq’ab’ tob’anik chi ke ri’, rech k’o jun utzalaj kachomaxik rech kiq’axik kab’an ri’ rech man e q’atatel taj rech ke’ok’ow chi’.

Eri amaq’il e k’o pa komon ruk’ ri OCAM ri’ kiya’om kanima’ che kachomaxik kiq’axik ri winaq ri’ ri sib’alaj katajin raq’anik pa kajilab’al man je ta ri’ pa taq le junab’ kanoq.