Eri ixoqib’ e tz’apil pache’ rech Fraijanes I xkik’is katijob’exik kib’ chi rij je’lb’anob’al ri’

141

 

Ruk’ jalajoj taq ilb’anik xuquje’ ruk’ loq’ taq ub’anikil b’anow xojojnik, ruk’ je’l b’iw taq tzij xuquje’ rech winaqixel ri’, xk’is katijoxik ri ixoqib’ rech ri Japache’ kech Ixoqib’ rech Fraijanes I, ri Retal No’jk’aslemalemtzij ruk’ No’jib’alil ri’, are wa’ xb’antaj pa el Escuela rech Arte rech ri Nimatijob’al rech San Carlos rech Iximulew ri’, rech pa le tob’anik pa le kasuk’umaxik ri ixoqib’ pa tinamit ri’.

Eri retal tijonik ri’ are xumaj b’ik waqib’ ik’ xuquje’ are wa’ xya’taj chi ke ri ixoqib’ e tz’apil pache’ ri’, rech xetijox chi rij reta’maxik je’b’anob’alil ri’ xuquje’ rech xk’astasax kichomab’alil ri’, jeri’ chi rij je’lk’utb’alil, jeri’ chi rij kunan uwach jastaqil, jeri’ chi rij b’iw je’ltzij ri’.

Eri xtijon ri’ are rumal ri Amabilia Tejeda, are wa’ uwach le Práctica Profesional Supervisada xub’an kuk’, rumal ri’ ri are xub’ij che are wa’ k’o nim kupatanij pa le b’anow taq ya’ol tob’anik pa tinamit ri’, rumal k’ut are wa’ rajawaxik chi ke ri ixoqib’ che ri e tz’apil pache’ ri’ rech pa le kasuk’umaxik b’ik ri’.

“Xya’taj ri tijonik chi ke chi rij juntir ri xk’ut chi ke ruk’ ri xketa’maj ri’, rech are kakikojo chi kijujunal xuquje’ pa kimolajil ri’. Eri ixoqib’ ri’ ri are sib’alaj xkib’ij che are wa’ qas utz chi ke, are wa’ xketa’maj pa jikomal kumal xuquje’ are wa’ xuya’ ki’kotemal chi ke, rumal k’ut xkilo che k’o xketa’maj pa le eta’manem ri’, rumal k’ut xkilo che ri ixoqib’ ri’ sib’alaj k’o nim keta’mab’alil che uch’ob’ik ri’”, xcha’.

Ronojel ri chak patan ri’ are wa’ katajin unimaxik rumal ri Ministerio rech Gobernación ri’.