Eri ixoqib’ sib’alaj katajin kakojik kumal nik’aj molaj b’anol k’ax ri’

105

 

E k’o e 29 chi ixoqib’ xechapataj pa le Operación Fortaleza, Nery Benito, k’amal b’e rech ri Investigación Criminal, xkub’isaj ub’ixik che ri ixoqib’ ri’ sib’alaj katajin kakojik kumal ri nik’aj molaj b’anol k’ax pa le ujachik taq ch’a’wb’alil, che ukojik pwaq pa kikolib’al pa pwaqb’al ja, che uq’axaxik k’aqb’alil ri’.

We kamik ri’ eri xechapik ri’ e uwinaq ri jun molaj b’anol k’ax rech ri Barrio 18, ri tajin kakitoq’ij pwaq chi ke taxis, mototaxis, ch’ich’ rech erelwinaq pa tinamit xuquje’ chi ke e ajk’ayinelab’ ri’.

Eri Benito, xuya’ ub’ixik che ri ixoqib’ ri’ kuk’ ri ak’alab’ e are qas kab’an k’ax chi ke pa taq le k’olib’alil ri maj k’ub’sib’al k’u’x ri’.

“E k’o k’i ri’j taq ixoqib’, alitom xuquje’ e yowab’ ixoqib’, e are qas e kojom che toq’inik pwaq chi ke winaq ri’, che uq’axaxik k’aqb’al ri’, ri kojom kikolib’al kipwaq pa pwaqb’al ja ri’ rumal ri barrio 18, rumal wa’ qaraj k’o Q 2 millones pwaqil xkimol ri’”, xcha’ ri Benito.

Eri k’amal b’e rech Investigación Criminal ri’, xkub’isaj ub’ixik che are wa’ ri lajuj tzukunem ya’olchajinik xb’antaj ri’ pa rajilab’al pa jun 58 por ciento chi ixoqib’ e chapomm chik xuquje’ pa jun 42% chi achijab’ e chapom chik ri’.