Eri Ixoqib’ xkitijoj kib’ che ya’olchajinik q’atenik awan kunb’alil ri’

251

Aretaq xkik’is katijoxik kib’ eri eqa’lenelab’ rech ri Wokajil Ajchajil Tinamit (PNC), 174 ixoqib’ ri’ xkitijoj kib’ pa jalajoj taq wokajil rech ri Fuerza de Tarea rech Interdicción Aérea Antinarcótica xuquje’ Antiterrorista (FIAAT) xuquje’ e rech ketob’anik rech ya’olchajinik q’atenik awan kunb’alil, xik’ach’ich’, k’aqb’alil, q’aq’elja’b’al xuquje’ rech uq’atexik jastaq maj pa usaqil ri’.

Eri FIAAT are k’o pa reqale’nib’al ri Quinto viceministerio Antinarcótico, Oscar Davila, ri xuya’ ub’ixik che ri wokajil taq we kamik ri’ e are jun pa le wokaj q’atenik ri’, rumal ri’ xetijox ri ixoqib’ are ri’ kichak kakib’an ri’ jacha’ kakib’an ri achijab’ ojer ri’.

“Eri achijab’ xuquje’ ixoqib’ kakib’an jun nim kichak kitaqkil ri’ pa le kiq’atexik ri e ajkunb’alil ri’, kab’ixik e are ri’ e tz’aqatinaq ri’”, xcha’ ri Dávila.

Pa le FIAAT e k’o k’i taq kuwach wokajil rech ketob’anik ri’ pa le ub’anikil antinarcótico chi’ k’u ri’eri ixoqib’ kich’akom ruk’ kichuq’ab’ we jun ya’talil chak patan chi ke ri’, jacha’ ri tajin kub’an ri María Herrarte ri resam utijoxik rech kub’inisaj xik’ach’ich’ ri’ rumal ri’ ri are sib’alaj tajin kaki’kotik ruk’ ri uchak upatan ri’.

“Sib’alaj nim kinna’o rumal in eqa’lenel rech ri Wokajil Ajchajil Tinamit ri’ rumal b’a’ ya’tal chuwe kink’oji pa le wokajil rech ri FIAAT ri’ rumal k’ut xaq xu’ wiri’ in in ixoq in k’o pa le uwokajil rech xik’ach’ich’ ri’, chi’ k’ut nuch’akom ri’ jeri’ kenil kumal ri ixoqib’ e wachib’il ri’”.

Xuquje’ eri Brenda Argueta técnica rech ri jun wokaj chak patan rech tob’anik pa le uchak patan ri jun ajb’inisal xik’ach’ich’ ri’, in ri’ kinwiqo, ri kinsaqab’isaj xuquje’ kinnuk’ ri eqa’n chupam ri’ aretaq kumaj ub’e ub’ik ri’.

“Utz wech in in k’o pa le puq chak patan ri’ rumal ri’ kub’an chuwe rech k’o kinchakuj ri’ xuquje’ rech kuya’o nik’aj chik weta’mab’al ri’, b’anikil rech b’anow chak che ri pa amaq’el kab’an kumal ri achijab’ ri’”.

Pa le Unidad rech Armería k’o ri’ le Fulvia Alejandro, ri k’o chik jun junab’ katajin che chak pa le FIAAT, are jun chak ri’ are karaj jun ub’anikil rech kasaqb’sax xuquje’ rech kawik ri jun molaj chakub’al ri kakikoj ri eqa’lenelab’ rech q’atel awan kunab’alil ri’. Ri in utz kinwilo nuchak ri’ xuquje’ are ronojel wanima’ kinpatanij uchakuxik ri’”.

Eri Jackeline Barillas, are ri rajawtzij che ri kilik ri xik’ach’ich’ we k’o ri’ kiq’aq’elja’ ri rajawaxik kakoj pa le jun ub’inisaxik ri xik’ach’ich’ ho kaj ri’.

“Are nim ri eqale’nib’al ri’ are eri xik’ach’ich’ pa amaq’el k’o uq’aq’elja’b’alil ri’, rumal ri’ xaq xu’ wiri’ kinpatanij rech utz ke’l nuchak ri’, rumal ri’ xintijoj wib’ chech ri’ xuquje’ are wa’ kuwaj kink’utu che ri wal ali che b’antajel ri chak ri’ we jeri’ ub’anik kinb’ano”, xcha’ ri Barrillas.

K’o k’i uwach taq chakunem kab’anik rumal ri’ are karaj kub’sib’an ib’ che ub’anik pa kub’sib’al k’u’x ri’ xuquje’ man ya’talil ta ub’ixik ucholaj ri’, rumal k’ut eri rajawtzij chi rij ri’ are ri Dora López.

“Are wa’ jun chak sib’alaj k’ax ub’anik rumal k’o k’i uwach tzijol uk’amom ri’, ri nuchak in are kinya’ ub’ixik wexa’ k’o utz taj tajin kinwilo cho kaj ri’, rumal ri’ rajawaxik b’a’ xintijoj wib’ xuquje’ kinya’o wanima’ che ri q’aten awan kunb’alil ri’”, xcha’ ri López.

Eri alab’om alitom kaketerenb’ej katijoxik kib’ chi rij q’atenik awan jastaq kunb’alil ri’ rumal k’ut are ri’ keta’m chik uwach jas le ub’anik uq’atexik kakib’ano.

COMPARTIR