Eri jachakunb’al rech q’atel k’ax rech PNC tajin che uya’ik uchuq’ab’ oxib’ uwach chak pa Jalapa

244

Eri Subdirección General rech Q’atel k’ax, rech ri Wokajil Ajchajil Tinamit (PNC), xuya’ ub’ixik che pa we junab’ ri’ 2018 eri cholchak rech b’anow chakunem, kub’an ri’ pa le rachoch uk’olib’alil pa 6ª avenida y 4ª calle, zona 1 colonia Linda Vista, Jalapa k’o tob’anik kub’an che unimaxik oxib’ uwach chak chi’, are ri’ le Q’atel k’ax pa tijob’al, ri Q’atel k’ax pa winaqilal xuquje’ ri Cholchak rech k’uttijonem xuquje’ are wa’ pa amaq’el ri’.

Pa le uwach ri chakunem chi’ are chak ri’ kab’an kuk’ ri ajtijoxel rech taq tijob’al rech nab’e q’attijonem xuquje’ pa taq tijob’al rech ukab’ q’attijonem pa juntir ri juyub’ tinamit ri’.

Rumal ri’ eri q’atb’altzij e ajchajil tinamit xkiya’ ub’ixik che pa taq le tinamit rech San Carlos Alzatate xuquje’ Mataquescuintla, chi’ k’ut xmajtaj wi ri nab’e taq chakunem ri’, chi ri taq le rajilab’al b’anow k’ax katajin chi’.

Pa we b’anow chakunem ri’ xtatb’en wi ri Subcomisario rech PNC Alejandro Arévalo taqanel rech ri Sección rech Apoyo xuquje’  Logística rech ri Comisaría rech Jalapa, eri Oficial II rech PNC, Juan Wilfredo Lorenzo taqanel rech Diprona, taqanel rech ri wokaj q’atel k’ax, ri ajtaqo’n rech Q’atb’altzij ri’, ri k’amal b’e rech Gobernación, ri rech Ministerio rech Tijonem, ri ajtaqo’n rech CONRED xuquje’ ri k’amal b’e rech ri Q’atb’altzij rech ri Ya’talil Winaqilal.