Eri Jachakunb’al ri kesax wi ri wujq’axb’al katz’apib’ pa kajib’ q’ij ri’

421

Are rech jun ya’b’al tob’anik chi ke ri winaq e aj iximulew aretaq kaya’taj kiwujq’axb’al pa taq tinamit ri’ rech aretaq kakichap b’enam pa taq nik’aj chik tinamit, eri Wokajil rech Migración xuya’ utzijoxik che katz’apib’ ri’ paq’ij 25, 26 rech pa we ik’ ri’ xuquje’ paq’ij 1, 2 rech enero ri Jachakunb’al che ri kesax wi ri Wujq’axb’al ri’, rumal ri nimaq’ij rech pa k’isb’al junab’ ri’.

Alejandra Mena, ajtzijolinel rech Migración, xuya’ ub’ixik che k’a paq’ij 3 rech enero kakimaj chik kichak patan ri’ pa 7 kajb’al rech saqarib’al ri’ k’a pa 16:30 kajb’al ri’ rech uq’ij kesach chik ri ri wujq’axb’al ri’.

Eri ya’ol ub’ixik ri’ are k’o nim kupatanij pa taq resaxik ri wujil pa aninaqil ri’, “sib’alaj rajawaxik b’a’ kakub’isax ub’ixik ri’ rumal ri ya’olchajinik kakib’an ri’ le Wokajil Ajchajil Tinamit (PNC) rech kejo’sax ta kumal winaq che ri kakik’ayij kik’olib’al pa le cholajisani chi’ xuquje’ rech keb’iytaj ta ri’”.