Eri Japache’ k’o pa Villa Nueva kech kek’oji ri ixoqib’ ri k’o taq kal ri’

177

Eri rachoch ri pache’ kech ixoqib’ k’o taq kal ri k’o pa Villa Nueva are rech kek’oji e 50 ixoqib’ e ajpache’ chi’, eri taq kal eri k’a te ke’alaxik pa kajib’ taq kijunab’ ri’, rumal ri’ e ajya’l ta k’ax chi ke ri winaq e k’o panoq chi rij taq ri k’olib’al, jeri’ xuya’ ub’ixik ri Ministro rech Gobernación, Francisco Rivas Lara.

Pa le ukab’ q’ij rech katajin k’otowtzij che kumal ri Wokajil Ajb’anol Taqanib’al pa we Amaq’ ri’, xuquje’ aretaq xtanab’ax uwach ri jun ilb’anik ri’ rumal man xkiraq ta kib’ e k’i ri e ajk’otoltzij chech ri’, eri Ministro xub’ij “Kinkub’isaj ub’ixik chi ke ri winaq tinamit rech Villa Nueva che k’o jun nimalaj ya’olchajinik kaqakoj chi’, man are taj jun japache’ kek’oji wi ri winaq e b’anol k’ax tane’ chi’ xuquje’ man k’ot k’ax b’a’ kaqaya’o chi we chi’”.

Chi ke ri winaq tinamit ri’ kenusik’ij ri’ rech e are jun kek’oji pa le ilob’al rech ri chak patan ri’ rech pa le uk’isik kasuk’umaxik xuquje’ rech ketijob’exik ri’ are wari’ jun utaq’alb’enik pa uwokajil ri Ministerio rech Gobernación ri’.

Katajin uchomaxik jas kekunax wi ri e ajpache’ ri’

Rumal ri’ eri Ministro rech Salud pa komonb’al xkichomaj jas kakikoj wi jun ja rech kekunax wi le e ajpache’ ri’, xuquje’ are wa’ katajin rilik uch’ob’ik rech kakiya’ panoq ub’ixik chi ke taq ri q’atol tzij ri’ rech kakitaq b’ik chi la’ ri e ajpache’ che ri qastzij e yowab’ ri’.

E k’o e k’i na e ajchajil tinamit ketaq ri’

E k’o e k’i pa kajilab’al ri e ajchajil tinamit ketaq na ri’ xcha’ ri taqawokajnel rech Ya’olchajinik pa Amaq’ jeri’ xuya’ ub’ixik ri’ che k’o jun cholchak b’anom ri’ rumal ri Wokajil Ajchajil Tinamit (PNC) xuquje’ pa we junab’ ri’ are keyexik kak’is katijoxik pa oxib’ mil ruk’ 500 pa kajib’ mil chi eqa’lenelab’ ri’ junam ri’ jacha’ ri xe’al junab’ir ri’ rech ke’ok che ya’olchajinik ri’ xa’rumal are wa’ ri qas rajawaxik kakoj pa cholb’al chak ri pwaqil rech tojb’al kech ri’ pa we amaq’ ri’.

COMPARTIR