Eri Javier Duarte xk’amataj b’ik pa México

299

Pa taq le nab’e kajb’al we kamik xesax b’ik Pache’ pa Cuartel rech Matamoros rech xk’am b’ik pa le Fuerza Aérea ri jun achi’ ub’i’ a Javier Duarte kumal ri e ajchajinel rech e aj iximulew xuquje’ rumal rajchak ri Cancillería rech xkijach b’ik pa kiq’ab’ ri q’atb’altzij mexicanas rech xb’e pache’ chi la’.

Aretaq oxib’ ik’ chik ok’owinaq aretaq xchap loq we kamik ri’ pa le waqxaqib’ kajb’al panik’aj ri’ rech pa saqarib’al eri q’atb’altzij rech e aj iximulew xkijach k’ut ri ri wujil chi rij ri’ pa kiq’ab’ ri Procuraduría General rech ri Nimatinamit (PGR) rech México rech xjach b’ik ri jun ex gobernador rech Veracruz ri’, a Javier Duarte ri’.

Pa we q’ij ri’ che ri xk’oji chi’ eri a Duarte xok’ow pa uq’ab’ ri e ajkunanel rech te k’u ri’ pa taq b’elejeb’ kajb’al rech pa saqarib’al ri’ ruk’ wuqlajuj minut ri’ xaq’an cho kaj ri xik’ach’ich’ pa le Aeropuerto Internacional La Aurora.

Kab’ixik k’o pwaq maj pa usaqil xuchap ri’.

Eri jun ex-gobernador rech Veracruz Duarte, xtz’apib’ pache’ chi’ pa we amaq’ ri’ k’a aretaq xchap loq pa le 17 rech abril chi la’ Panajachel, Atitlán pa le juyub’ tinamit rech Tz’oloja’ rumal taqom loq uchapik pa utinamit ri’ rumal ri b’anow elaq’an upwaqil le amaq’ utinamit ri’, rech ri nimatinamit k’o panoq ri’.

Eri xtaq b’ik ri’ are jeri’ xkiya’ pa saqil ri q’atb’altzij pa Iximulew ri’ jeri’ xk’ulmatajik xk’is b’ik utaqik ri’ rumal jeri’ utzij xuya’ ri are rech kuchomaj rib’ pa q’atb’altzij pa utinamit ri’ xuquje’ are wari’ kamik xb’antaj unimaxik ri’ rech karaqataj chik pa uq’ab’ ri q’atb’altzij rech México rumal ri’ xtaq loq jun xik’ach’ich’ are umatrícula matrícula XC-LNN, are jun Cessna Citation Encore Modelo 560 ri’ ri xk’amow b’ik ri’.

COMPARTIR