Eri jun Ex futbolista Emerson Marroquín xtaq loq xuquje’ xchap chi’ pa Iximulew

648

Aretaq pa k’iyalaj taq ik’ xuwaj rib’ ri Emerson Jorge Marroquín Alfonzo, xchapataj loq kumal eqa’lenelab’ rech ri Interpol Guatemala, aretaq xopan chi’ pa le Fuerza Aérea, pa jun xik’ach’ich’ xpe wi loq, upetik k’a pa Texas, Estados Unidos.

Eri Marroquín Alfonzo kab’ixik are xkamisanik ri jun nim ali ajtijoxel ub’i’ Gabriela Barrios pa le 5 rech febrero kanoq pa we junab’ ri’ pa Q’ante’l, Xelaju’ xuquje’ rumal xraj xukamisaj ri unan ri jun ali ri’.

Eri are ri’ are xchapatajik pa le waqib’ q’ij rech ik’ noviembre kanoq are chi’ xoksax pache’ rech Eloy, 1705 E Hanna Rd Eloy AZ 85135, Estado de Texas, Estados Unidos xuquje’ rumal ri’ pa jun nim komonb’al xtaq uchapik kumal q’atb’altzij rech ya’olchajinik pa Iximulew ri’ ruk’ ri jun nimatinamit norteamericano ri’.

Kab’ixik are rumal ri k’ax kamisanik xub’an kachomaxik pa q’atb’altzij ri’.