Eri jun molaj b’anol k’ax xchapatajik k’o 51 millones chi tojb’al chi rij sik’ xutojtaj #RutaPaís2032

424

Are uwach jun nim b’anow tzukunik rech pa keb’ junab’ ri’, xub’an ri Wokajil Ajchajil Tinamit (PNC), aretaq xe’uchapo e 25 chi winaqil b’anol k’ax ri’ e uwinaq jun molaj e ajk’ayin awan sik’ ri’ rech Belice pa Iximulew ri’, eri jun molaj b’anol k’ax ri’ k’o Q 51 millones 700 mil tojb’al che ri man xkitojtaj.

Eri Stu Velasco rech Investigación Criminal, xuya’ ub’ixik che pa le uq’ijol xnajtib’ ub’anik ri tzukunem ri’ eri b’anol k’ax ri’ k’o 39 chi q’axnik xkib’an pa taq jukub’ k’o 195 millones chi sik’ xkib’an k’ut pa awalik ri’ kuk’ ri nik’aj kajib’ uwinaq ri Comando Naval del Caribe ri’, le e are jun xechapataj ri’.

Eri Velasco k’o jun sik’inik xub’an chi ke ri e ajyakal jastaq rech k’ayij ri’ xuquje’ chi ke konojel ri winaq tinamit ri’, rech xaq ma kiloq’ pa awalik jastaq maj pa usaqil ri’, rumal k’ut eri jastaq ri’ ma saq ta rij ri’, qaraj k’o k’ax itzelal kuya’ pa kik’aslemal ri winaq tinamit ri’.

Are rech xb’antaj kowinem xeq’atexik ri jun molaj b’anol k’ax ri’ k’o ri’ 35 chi tzukunem xb’antaj ri’ xuquje’ k’o 241 eqa’lenelab’ xuquje’ 41 chi ch’ich’ xekoj pa le katzukuxik aretaq xechap ri’.