Eri e 3 mil 978 chi eqa’lenelab’ rech ri Wokajil Ajchajil Tinamit ri’, xkik’is katijob’exik kib’ pa lunes kanoq, xuquje’ eri eqa’lenel ri’ xjach kuwach rech xetaqik pa taq ri Comisarías ri e k’o pa we amaq’, are rech kakiya’o uchuq’ab’il ri ya’olchajinik winaqilal ri’.

Eri eqa’lenelab’ ri’ xek’ul panoq pa taq le k’olib’em xe’opan wiri, ruk’ jun nim ula’b’al xya’ chi ke ri’, k’amatil ub’e rumal ri taqanel e k’o pa jujun taq comisaría ri’, jeri’ kumal ri q’atb’altzij rech pa taq tinamit ri’.

K’o pa ub’eyalil ri’ pa taq wokaj kuwach xetaq ri’, rumal ri’ k’o xeb’e ri’: pa Jalapa e 70 k’ak’ eqa’lenel xetaq chi’, pa Zacapa e k’o 72 xetaq chi la’, pa Escuintla e 264, pa Santa Rosa e k’o 70 ri’, pa Mazatenango xetaq e 71, pa Retalhuleu e k’o 71, pa Xe’laju’ xetaq e 132, pa San Marcos xetaq e 71, pa Chinab’jul xetaq e 102, pa Chuwi’meq’ina’ e k’o 55 xetaq chi’, pa Alta Verapaz xetaq b’ik ri’ e 101, pa Petén e k’o 59 xetaq chi la’ xuquje’ rech Polimerc xetaq e 70 chi ke ri’.