Pa le uterenb’exik pa le unimaxik ri Acuerdo Ministerial 64- 2016 rech kakojik ri Ub’eyal Ub’anikil ri Cholchak Taqawokajil rech Ilonem chi ke ri ak’alab’ taq ala ali xuquje’ chi ke ri q’apojil alab’om alitom ri’ ri k’o kachalal pache’ chi la’ Cobán, Alta Verapaz pa jun ilb’anik rech pa le kib’ochi’xik ri taq ak’alab’ aretaq ke’on che solinik pache’ ri’.

Eri utaqim ri jun ilb’anik ri’ are rech ub’anik k’iyalaj taq tzijob’enik chi ke ri taq ak’alab’ ri’ rech keta’maxik jas ri kachomab’al chi rij ri ja k’olib’al keraqataj wi kinan tat ri’.

We jun cholchakk ri’ are xkoj pa le Japache’ rech Los Jocotes pa Zacapa xuquje’ Pache’ k’o Cobán,  ruk’ utob’anik ri Urox Viceministerio rech Q’atel B’anow K’ax ri’, ri Wokajil rech Q’atel K’ax pa Tinamit (UPCV), ri Wokajil Japache’ xuquje’ ri Colectivo EnMarcha rech ri Fondo Chile.

Eri k’amal b’e rech pa Japache’ kech Achijab’ xuquje’ ri kech Ixoqib’ rech Cobán, Fredy Tun, xub’ij, “Maltyox che ri Qatat k’o Chikaj chi ke ri q’atb’altzij xuquje’ chi ke taq ri wokajil winaqilal che ri tajin kechoman chi rij uya’ik utzilem chi ke taq ri kalk’uwal ri winaq e k’o pache’ ri’, rumal k’ut eri jun cholchak ri’ are k’o nim upatan chi ke taq ri ak’alab’ rech k’ot itzelal kakil ri’ rumal e k’o ri kinan kitat pache’”.

Pa le Japache’ rech Cobán chi’ keraqataj wi e 337 chi achijab’ xuquje’ xb’ixik che ronojel q’ij e k’o pa 75 pa 100 chi ak’alab’ ke’opan che ch’ab’enik pache’ chi ke kinan kitat. Ruk’ jun ub’eyal b’anow taqanem ri’ are katzukux ruk’ wa’ are k’o jun utzalaj k’olib’al kek’oji wiri xuquje’ rech k’o jun utzalaj ilonem kaya’ chi ke ri taq ala taq ali kuk’ ri e q’apoj alab’om alitom aretaq ke’opan che kich’ab’exik chi’.

COMPARTIR