Eri opanem chi’ are rech keta’max uwch ri rajawaxik k’o pa taq le tinamit pa le tinamit rech Alta xuquje’ Baja Verapaz ri’ xuquje’ rech xya’taj ub’ixik che chakum chik chi’ kumal taq ri Ministerios, eri K’amal b’e Amaq Jimmy Morales xuquje’ utaqawokaj rech taq le Ministros xopan chi’ pa tinamit rech Carchá ri’.

Pa le ilb’anik ri’ eri nimak’amal b’e amaq’ xuya’ ub’ixik ri’ che ya’talil ri’ rech kaya’ pa retal kujach uwach oxib’ taq wa rikil ri’, rech are kakikoj ri winaqil pa taq le kik’olib’alil ri’.

“Eri wa rikilem ri’ are rajawaxik kimaltyoxij chuwe in rumal k’ut are wa’ xloq’ik ruk’ upwaqil ri tinamit rech Iximulew ri’ xuquje’ rech kopan b’a’ pa kiq’ab’ ri kenumik ri’”, xcha’ ri K’amal b’e Amaq’ ri’.

Eri Morales are loq’ ch’ab’inel chi’

Rumal ri’ eri ajkalte rech q’atb’altzij pa tinamit ri’ xrechb’ej ropanik ri Morales chi’ rech xujach ri torb’al ri uchi’ ja nimatinamit rech San Pedro Carchá xuquje’ xuya’ ub’ixik che are loq’ ajch’abinel xopan chi’.

Pa k’isb’alil pa le ilb’anik ri’ eri Nimak’amal b’e amaq’ xuya’ ub’ixik chi ke ri e ajtzijolinelab’ chi’, chi rij tq ri chak patan b’anom chi’ pa we junab’ ri’ xuquje’ chi rij ri utzilem kuya’ pa le tinamit ri’ juntir ri’ pa taq le kik’olib’alil ri winaqil Verapacense ri’.

Kekowin k’ut che kiq’atexik ri b’anol taq k’ax ri’

Eri Ministro rech Gobernación, Francisco Rivas Lara xuya’ ub’ixik che ri wokajil ajchajil tinamit ri’ kiya’om kitzij kuk’ ri winaq tinamit rech ri Verapaces ri’.

“Konojel ri e ajchak ri’, ri ub’anikil ya’olchajinik ruk’ taq ri chakub’alil ya’tal pa saqil ri’ rech pa le ya’olchajinik xuquje’ ri ya’oljikomal pa ub’anik utz chi ke ri winaq tinamit e aj iximulew ri’”, xcha’ ri Ministro ri’.

Xub’ij che ri b’anikil rech b’anow taq tzukunik are katajin ri’ rech kiq’atexik ri b’anol taq k’ax ri’ chi ke ri winaq tinamit verapacense ri’”.

COMPARTIR