Eri K’amal b’e Amaq’ xub’ij kuya’ juntir utob’anik che ri Ministro rech Gobernación

253

Pa jun ropanik ri Nima K’amal b’e Amaq’, Jimmy Morales pa le tinamit rech Zacapa, rech xb’e che rilik ri chak katajin pa le uya’k kajib’ taq rachoch k’olib’al ya’olchajinik kumal ri Wokajil Ajchajil Tinamit, xub’ij che kuya’ na ri’ juntir uwach tob’anik che ri Ministro rech Gobernación, Francisco Rivas Lara.

Eri Nima K’amal b’e ri’ utz xuril uchak patan ri Ministro ri’ rumal ri’ xuki’kotirsaj uwach ucha upatan ri taqawokajnel rech ri Gobernación ri’.

“Kinki’kotirsaj uchak upatan ri Ministro Rivas kinya’ ri’ juntir nutob’anik chech ri’ xuquje’ kinb’ij ri’ che kinya’ juntir ri utzalaj nutob’anik che rumal xinwilo k’o utz ri chak patan katajin che ub’anik ri’”, xcha’ ri Rivas.

Xuquje’ eri nima taqanel ri’ xuki’kotirsaj uchak patan ri PNC rumal k’ut pa le 15 rech julio kanoq pa le Juwinaq ujunab’ xutz’aqatisaj k’a xtik loq ri wokajil ajchajil tiinamit ri’.

“Kuwaj k’ut kintaq panoq jun rutzil uwach rech kinki’kotirsaj kichak patan ri 37 mil eqa’lenelab’ rech ri PNC ri’ rumal ri tijow chuq’ab’ keraqataj wi kamik pa le ya’olchajinik chi ke ri winaq tinamit e aj iximulew ri’”, xcha’ ri Morales.

Eri Nima K’amal b’e ri’ xuch’ob’ ri’ upatanil kichak patan ri Eqa’lenelab’ rech ri Wokajil Ajchajil Tinamit ri’ che e are e winaq k’ut k’o nim kipatan pa we tinamit ri’, qastzij k’ut e k’i chi ke kiya’om kib’ pa kamikal ri’ pa taq le ya’olchajinik ch ke ri winaq e aj iximulew ri’.

Rumal ri’ xub’ij che kuterenb’ej katijoxik ri eqa’lenelab’ ri’ xuquje’ rech kub’an utz pa le ub’anikil ri wokajil ajchajil tinamit ri’.

COMPARTIR