Eri K’amal b’e Morales kuk’oxk’ob’ej kikamik e julajuj winaq rumal xtaq loq ri juyub’ chi kij ri’

257

Pa le jun ya’oltzijolinem eri Nima K’amal b’e rech ri Amaq’il Jimmy Morales xuk’oxk’ob’ej kikamik winaq ri xel kan chuxe’ juyub’ xtaq loq chi kij ri’ pa le Cumbre Guachuná, k’o pa San Pedro Soloma, Chinab’jul ri’.

Eri Nima K’amal b’e ri’ rachb’ialm ri Ministros rech Gobernación, Francisco Rivas Lara, rech Salud, rech Defensa ri’, xuquje’ e rachib’il ri’ ri K’amal b’e ri CONRED  xuquje’ ri INSIVUMEH, xuya’ ub’ixik che chi’ katajin chik resaxik ullew rumal oxib’ retro escavadoras xuquje’ ruk’ keb’ ch’ich’ eqa’l ulew ri’ xuquje’ xuya’ ub’ixik che e k’o 180 winaq chi’ rech ketob’an chi’.

Eri Nima K’amal b’e Amaq’ xuya’ ub’ixik che xa’rumal uq’ij jab’al ri’ pa we juyub’ tinamit ri’ k’o 87 chi k’ax kik’ulmam ri e 57, 460 winaq e aj iximulew ri’, e k’o jun mil 60 winaq e esam pa k’ax ri’, e k’o 13 winaq e kaminaq ri’, k’o 30 nimab’e ub’anom k’ax ri’, k’o oxib’ q’a’m ub’anom k’ax ri’ xuquje’ qaraj k’o 900 chi ja k’olib’al ub’anom k’ax ri’.

Eri yab’al tob’anik chi ke winaq ri’ xuya’ ub’ixik che k’o 4.83 nim pajb’al rech tzuqb’al rilik ri’ ya’om chi ke e 2, 523 winaq ri’.

Qaraj kumaj jab’anik rumal ri kaq’iq’ jab’ ub’i’ Cindy

Aretaq xuk’is ub’ixik utzij rumal ri Morales kuk’ ri uMinistros xuta chi ke ri winaq tinamit ri’ che kekanaj che uto’ik wexa’ k’o kak’ulmatajik ri’ xuna’taj chi ke che xya’taj ub’ixik che k’o jun chik kaq’iq’ jab’ kape na are ub’i’ Cindy pa keb’ oxib’ q’ij ri’.

COMPARTIR