Eri K’amow rech cholchak taqawokajnem xok’owisaj q’axb’al b’anikil le alaxib’al ri’

242

Jacha’ uwach ri’ ri k’amnaqem rok’owisaxik le alaxib’al ri’, eri K’amow ub’e rech Chochak (DIPLAN) rech ri Ministerio rech Gobernación xub’al jun uk’olib’alil le loq’ alaxib’al pa le rachoch ri’ rech kuk’ut ri utz anima’, k’ot xu’yb’anik, ruk’ mek’ek’em rech pa le re’yexik ri ralaxib’al ri nitz’ Jesús ri’.

Eri ralaxib’al ri’ are xb’an kumal rajchak ri DIPLAN, chech ri’ xkikoj wi jastaq rech xkib’an le ja che xuquje’ rech k’o rachib’al ri a Xep, ri al Marya, ri Nitz’ Jesús ri’, ri Ajawinelab’ xuquje’ taq Ajyuq’ab’ ri’, k’o rachib’al taq xkikojo ri k’o chik 25 kijunab’ ri’ are je’al jastaq xkikoj che che ri b’anom loq pa Uq’ab’tinamit rech Chinautla ri’.

Eri uno’jimnik ri’ are jun chi ke ri ub’anikil che ri qas xkoj pa le ub’anik ri alaxib’al ri’ che kuk’utu jun nimalaj b’anb’al rech chi uwi’ taq juyub’ rech pa Iximulew ri’, eri jujun chi ke rajchak ri’ xtob’anik ruk’ ub’anik taq ja, taq tinamit, taq nimaja’ xuquje’ ruk’ rachib’al jun uk’olib’al rachoch ri Wokajil Ajchajil Tinamit ri’, pa ronojel wa are kuk’utu ri nim ka’yib’alil k’o pa amaq’ qatinamit ri’.

 

Eri cholu’am ub’anik rachib’al alaxib’al ri’ are xesax uno’jimnik che “Na’tib’al taq K’amnaqem ri’” rumal k’ut xkilo che e k’o achochib’al pa Iximulew ri’, che ri kakib’an ta chik we na’tib’al b’anow ri’ xuquje’ xaq xu’ wiri kakiwok rij ri che’ rech alaxib’al ri xaq k’amom panoq kino’jimnik tinamit naj, jeri’ xuya’ ub’ixik ri Lidia Guillermina López, Ajsowachinel rech DIPLAN ri’.

Eri winaq e achalalil kakib’an ta chik we jun na’tib’alil ri’ aretaq kakib’an rachib’al ralaxib’al ri Q’atat Jesucristo, rumal ri’ qas xaqaya’o qanima’ che ub’anik wa’ le loq’ ralaxib’al ri’, xhca’ ri López.

Eri utaqib’al rech we jun ilb’anik ri’ are rech uya’ik ub’ixik ri q’axb’al b’anikil pa we amaq’ ri’ xuquje’ rech kawa’ljisax uwach kumal le e ajchak rech ri Ministerio rech Gobernación ri’ pa le nima jachakunb’al ri’, xcha’ ri Gloria Escobar, are Taqanel rech ri Coordinación rech Desarrollo Laboral rech ri K’amow ub’e ri Recurso Humanos ri’.

Nota: Wendy Álvarez

COMPARTIR