Eri keleq’axik winaq xqatataj pa jun 90% pa taq k’isb’al junab’ ri’

434

Rumal pa jun komonchak kumal ri Fuerza de Tarea rech ri Comando Antisecuestro rech ri Wokajil Ajchajil Tinamit (PNC) xuquje’ rumal ri Unidad Antisecuestro rech ri Ministerio Público (MP), pa taq k’isb’al junab’ ri’ eri keleq’axik winaq ri’ are xq’atataj pa jun 90% pa we amaq’ ri’, xuquje’ are wa’ katajn uterenb’exik uya’ik uchuq’ab’ we chak patan ri’ pa le q’ij rech unimaq’ij ri Q’atb’altzij rech uq’atexik keleq’axik winaq’ ri’ aretaq pa le xjaq ri’.

Pa le unimaq’il ri’ xtatb’enik le Ministro rech Gobernación, Francisco Rivas Lara, ri xuya’o ub’ixik che xjaqik wa’ we jun Q’atb’altzij chi rij ri’ are wa’ k’o nim upatann pa le uq’atexik keleq’axik winaq kumal ri molaj b’anol k’ax ri’.

“Eri Chakunik pa komonb’al ri’ kumal ri PNC xuquje’ ri MP are ya’talil na uchuq’ab’, eri komonchak ri’ are kuya’o pa saq rech kakojik ri Q’atb’altzij ri’”, xcha’ ri Rivas.

Eri Fiscal General Thelma Aldana xuya’ ub’ixik eri xjaqik we jun Q’atb’altzij ri’ are rech kanimaxik uchomaxik ri rajawaxik ch ke ri winaq tinamit ri’ pa le utzukuxik ya’el suk’umalil chi ke xuquje’ are rech kaq’atexik ri b’anow keleq’axik winaq ri’, rech ruk’ wa’ kechomaxik ri winqil che ri kiraqom k’ax ri’ xuquje’ rech uya’ik uchusq’ab’il kichak patan ri rech investigación criminal ri’.

Xuquje’ xuya’ ub’ixik chik che katajin na pa reqle’n taq ri Ministerio Público, ri Ministerio rech Gobernación xuquje’ ri Comando Antisecuestro rech ri PNC, rech uq’atexik ri jun b’anow k’ax ri’, are wa’ taqim kanimarsaxik uwach kiq’atexik ri’ xuquje’ rech qas kab’an jun nim uchomaxik chi rij ri jun b’anow k’ax ri’, rumal ri’ xjaq ri Q’atb’altzij rech kaq’atexik keleq’axik winaq ri’.

Pa le junab’ 2017 k’o wuqub’ ximontzij b’anom pa q’atb’altzij chi rij ri’, ri chi jujunal qas xchomataj ri’ xuquje’ e k’o 50 chi winaq e ajb’anol k’ax xechap ri’, jeri’ xuya’ ub’ixik ri’ Stu Velasco, Subdirector rech Investigación Criminal ri’

COMPARTIR