Eri kichomanik ajchajil tinamit xuq’atij ch’oj chi kuwach taq e ajtijoxel ri’

376

Eri chomanik xuquje’ ri tzijob’enem che ri katijo kib’ che ri eqa’lenelab’ rech ri Wokajil Ajchajil Tinamit (PNC), are tob’anaq rech uq’atim ri ch’ojinik chi kuwach ri e ajtijoxel pa le k’isb’al waqxaqib’ junab’ aretaq xmajtaj ri Programa rech Escuelas Seguras, jeri’ xuya’ ub’ixik ri K’amal b’e rech ri Wokajil Q’atel B’anow K’ax rech ri PNC, José Antonio Tzuban.

Eri Programa rech Escuelas Seguras eri utaqim ri’ are e uq’atim ri alab’om alitom e ajtijoxel rech man ke’ok ta kuk’ ri molaj b’anol k’ax, rech man kakitij taj awan kunb’alil xuquje’ rech kech’ojin taq kuk’ ri e ajtijoxel pa uk’u’x nimatinamit ri’.

Eri K’amow ub’e Wokajil Q’atel b’anow k’ax ri’ rech ri PNC, pa le 2009 xb’ixik che k’o 58 ri’, pa le 2016 k’o waqib’ ri’ xuquje’ pa le 2017 man k’ot ch’ojinik xk’ulmataj ri’.

Eri Tzub’an xkub’isaj ub’ixik che are rech ke’ok pa taq tijob’al ri’ are xetijox ri eqa’lenelab’ rech ke’ilon chi ke ri alab’om alitom ri’, “rech eri jun cholchak ri’ are kumaj b’ij ri tijonem ri’, xuquje’ are rech kechoman kuk’ ri k’amal b’e rech taq tijob’al ri’ jeri’ kuk’ ri nan tat ri e ajtijoxel ri’, rech are pa le uchomaxik ri k’axk’olil tajin kakiya’o ri e ajtijoxel ri’”.

COMPARTIR