Eri kinan xuquje’ le kixoqil nik’aj pandilleros e toq’im rech e are jun pa b’anow k’ax ri’

400

Eri k’amal b’e rech ri Wokajil Ajchajil Tinamit (PNC), Nery Ramos y Ramos xuya’ ub’ixik che aretaq xechapatajik nik’aj taqanel kech pandilleros rch ri barrio 18 xuquje’ rech ri Mara Salvatrucha, e are wari kitoq’im kinab’, kinan, kixoqib’ xuquje’ winaq keta’m kuwach rech kakitoq’ij pwaq chi ke ri e ajb’inisal ch’ich’ ri’ xuquje’ chi ke e ajb’anol k’ay ri’ rech kakitoj le pwaq maj pa usaqil ri’.

Eri Ramos, xub’ij e k’o jujun ixoqib’ e k’o chik kuk’ nik’asj pandillas ri’, k’o nik’aj chik chi ke ketoq’inik che b’anow k’ax, are wari rumal k’ut sib’alaj katajin kaq’atexik ri’ kumal ri wokajil e ajchajil tinamit.

“We xesataj kichuq’ab’ ri, eri e are ri’ sib’alaj ketajin na che ub’anik k’ax ri’ rumal are jun chik kachalal kiminom kuk’ che ub’anik k’ax ri’, are jun chik kinan, le kixoqil, ri kachalal taq alitom kiminom che toq’inik pwaq chi ke ri e ajchoq’e ch’ich’ ri’, jeri’ chi ke b’anow k’ay ri’”, xcha’ ri Ramos.

K’a te ri’ pa le ya’olchajinik xb’antaj ri’ ub’i’ Rescate Departamental  e k’o 37 chi ixoqib’ ri’ xechapatajik e are jun pa le toq’in pwaq maj pa usaqil ri’ chi ke e ajk’ayib’, ronojel ri k’ax ri’ are xb’antaj chi’ pa Iximulew, pa Xe’laju’, pa Sacatepéquez, Quiche, Zacapa xuquje’ pa Escuintla ri’.

Eri q’atb’altzij e ajchajil tinamit ri’ xkib’ij che ri kichak patan ri’ are rech kakiterenb’ej uq’atexik b’anol k’ax kib’i’ pandillas ri’ xuquje’ are rech kakiya’o joremal chi ke konojel ri winaq kechakunik e aj iximulew ri’.