Eri kisuk’umaxik ri ch’ich’ rech ri PNC, kuya’ uchuq’ab’ ri chak rech ya’olchajinik pa Antigua Guatemala ri’

334

Eri utzalaj uwach ri chak b’anel kumal ri eqa’lenelab’ rech ri División rech Seguridad Turística (DISETUR), rech pa ya’olchajinik, jacha’ ri rech cholchak kuk’ ri winaqilal ri’, kuk’ ri winaq tinamit, ri komontaqom winaqil, ri e ajb’anol k’ayij xuquje’ ri e ajpoq’sal meb’ilem ri’ e are ri’ ketob’anik pa le usuk’umaxik ri ch’ich’ taq rech ya’olchajinik xuqujje’ ri kejach’ich’ ri’, are wa’ xub’an utz che ri ub’inisaxik ri ya’olchajinik ri’ xuquje’ are wa’ xuya’ pa retalil e k’o k’i winaq b’ano k’ax xechapat pa Antigua Guatemala ri’.

“Maltyox b’a’ che ub’anik utz che ri’ k’a enero pa junio aretaq  e k’o 119 chi winaqil xechapatajik rumal jalajoj taq b’anow k’ax ri’, emu wari’ xab’a’ maltyox chi ke ri winaq tinamit pa le Antigua Guatemala xkikoj uq’ij che ri kichak patan ri eqa’lenelab’ rech ri División rech  Seguridad Turística, en k’u pa junab’ir pa we q’ij ri’ e 23 ri’chi b’anol k’ax xechap ri’”, xcha’ ri Héctor González Prera, Taqanel rech ri Wokajil Ya’olchajinik pa le ub’anikil Turística (DISETUR).

Pa taq le Awas Q’ij, xub’ij ri’ che xb’antaj kowinem xechapik e k’i taq molaj e ajelaq’al k’olib’al pwaq ri’, are kakecheb’ej e k’i winaq kakipitz’ kib’ chi rij taq telentyox ri’ rech kakesaj b’ik kijastaq ri e wa’katel winaq ri’, xuquje’ e k’o k’i winaq xechapik rumal kitijom tzam ri’ xuquje’ rumal keqam k’aqb’al ri’ xuquje’ rumal k’o kakich’ayo winaq e wa’katel ri’.

Eri Oscar Flores, Rajawtzij rech ri Cámara Empresarial, Comercio xuquje’ Servicios rech ri Antigua Guatemala, xuya’ utzijol che keta’m k’ut che k’o karaj na che ri wokajil ri’ “eri uj ajpoq’sal meb’il ri’ xaqab’ij che kaqaj kajtob’an ri’, rumal eri uj qeta’m che eri e are kojkita’ chik xuquje’ eri cholchak winaqil ri k’o pa uq’ab’ we kamik ri DISETUR xuquje’ ri PNC  pa tinamit ri’”.

“Eri uj kujkojon chi ke ri e ajchajin tinamit ri’ man xaq ta ri’ rech e ajQ’atel b’anow k’ax ri’, rumal ri’ pa taq le komon winaqilal chomatal chik rech kek’oji ri e ajchajil tinamit chi’ rumal k’o nim kakipatanij pa le kiq’atexik ri b’anow k’ax ri’”, xcha’ ri Flores.

COMPARTIR