Eri k’o ub’ixik kumal ri winaqilal are kuya’o uchuq’ab’ ri b’anow tzukunem rumal ri ajchajinelab’

207

Eri nim kq’atexik ri b’anol k’ax ri’ xuquje’ ri k’o ub’ixik loq kumal ri winaqilal ri’ are kuya’ ri’ uchuq’ab’ ri b’anow tzukunem kumal ajchajil tinamit rech pa le kchapik ri keb’ winaq che ri kik’amom b’ik k’aqb’alil pa le kilómetro 21.5 pa nimab’e, are chak xb’antaj rumal ri Ministerio rech Gobernación rumal kpatanil ri eqa’lenel rech ri Viceministerio Antinarcótico xuquje’ rumal ri Subdirección General rech  Solowachinem xuquje rech Investigación Antinarcótica rech ri Wokajil Ajchajil Tinamit (SGAIA-PNC) pa le kq’atexik ri nuk’wokaj b’anol k’ax kamisanem kuk’ ri xaq elaq’omab’ ri’.

Eri Pablo Castillo, ajtzijolinel ajchajil tinamit xuya’ utzijol che aretaq xya’taj loq ub’ixik pa awalil rumal jun winaq ri’ pa le ch’a’wb’alil 1577 ch’ab’eb’al antinarcótica, chi’ xya’taj wi’ loq ub’ixik che e k’o keb’ winaq e b’enaq pa jun alaj ch’ich’ xuquje’ chupam k’ut kik’amom wiri’ k’aqb’alil ruk’ awan kunb’alil ri’.

“Eri eqa’lenelab’ antinarcótico xq’aten kib’e ri ajb’inisal ri alaj ch’ich’ umarca Toyota P584GML, are b’insam b’ik rumal ri Juan José  Barrientos Mejicanos 25 ujunab’ xuquje’ a Moisés Enrique Orellana  Gonzáles 21 ujunab’ eri keb’ winaq ri’ e aj iximulew, chi’ k’u ri’ xsolix wi’ upam ri jun ch’ich’ ri’, ri xraqataj wiri’ 9 chi k’aqb’alil, 6 reqab’al uq’aq’il ri’ ruk’ nik’aj kaxon ub’aq’ k’aqb’alil ri’, are wa’ ri nab’e xraqataj ri’”, xcha’ ri Castillo.

Eri Ministerio Público are xilow rech xupaj uwach ri xraqataj ri’, en k’u ri keb’ winaq ri’ xek’aml b’ik pa le wokomja rech nimq’atb’altzij pa uk’u’x nimatinamit rech kaq’at tzij chi ke ri’.