Eri kitzalajik ri e 70 chi ja winaqil, eri uya’ik uchuq’ab’ ri ya’olchajinik pa taq le b’elejeb’ aldeas xuquje’ caseríos rech Ixchiguán xuquje’  Tajumulco xuquje’ ri resaxik ri 358 millones 836 mil 695 raqan ichak rech amapola xuquje’ ri 301 mil 886 rech marihuana, eri ronojel ri’ are Q 9 mil 084 millones 124 mil 656, are uwachinik ri xchakux pa le korlim ya’olchajinik ri’, pa taq le keb’ tinamit rech San Marcos, jeri’ xuya’ ub’ixik ri Wokajil Ajchajil Tinamit (PNC) ri’.

Eri rajilab’al utzijol ri’ are xchakux pa le ya’olchajinik ri’, xuquje’ k’o 41 chi tzukunik xb’antajik rech xechap ri winaq che k’o k’ax kib’anom chi ke ri winaq chi’, rumal ri’ xb’antaj kowinem xchapatajik e 22 chi winaq ri’ xuquje’ e k’o oxib’ k’aqb’alil ruk’ oxib’ chik xeraqik, ruk’ oxib’ poq’sab’al ri’,ruk’ jun k’aqb’al rech b’anom ri’ xuquje’ k’o k’i k’olib’alil xchupisax kuwach ri’.

Xuquje’, terenb’em na uchomaxik jun b’anow ch’ojinik aretaq kak’is ub’anik ri korlim ya’olchajinik ri’, rumal ri’ pa amaq’el k’o pa wokajil taq b’anow chomanik kojom ri’, chi kuwach ri q’atb’altzij kuk’ ri k’amal b’e komon winaqil chi’ xuquje’ we kamik chi paq’ij chi chaq’ab’ e k’o ri e ajchajil tinamit chi’, k’o chajinik kakib’an che kaqan ri’ jeri’ chi rij taq kejach’ich’, e are jun pa le ya’olchajinik ri’ ri Fuerzas Especiales ri’ kuk’ ri Núcleos rech Reserva ri’.

Eri korlim ya’olchajinik ri’ are xtaq ukojik pa le 11 rech mayo kanoq, are rech kachomatajik jun ch’ojinik chi rij ri juyub’ chi kuwach taq ri komon winaqil pa taq le tinamit ri’, eri ch’oj ri’ are xmajtajik pa 1933 aretaq xk’utun ri tinamit rech Ixchiguán ri’, eri ch’oj xpe ri’ rumal ri ja’ kak’utun chi’ xuquje’ chi rij taq ri juyub’ ri’.

Rumal k’ut jeri’ xuta ri k’amow ub’e amaq’ ri’ xterenb’ex ukojik ri korlim ya’olchajinik pa le q’ijol uwach rumal ri Congreso rech we Amaq’il ri’ xuquje’ rech xkub’isaj uq’atexik ri b’anow k’ax rech kaq’atexik pa juntir ri jun ch’ojinik ri’, rumal ri’ e k’o 1,500 eqa’lenelab’ rech ri PNC.

COMPARTIR