Eri Migración tajin kuchomaj rech kumaj uya’ik ri wujq’axb’al electrónico

140

Are rech k’o jun utzalaj ya’olchajinik che ri wujq’axb’al kech winaq pa tinamit ri’ kuk’ ri kepe pa taq nik’aj chik, eri q’alb’altzij rech ri Wokajil rech Migración tajin kuchomaj rech kumaj uya’ik ri wujq’axb’al electrónico, rumal k’ut are wa’ jun k’ak’ ukolik uwach kitzijol ri winaq pa no’jb’anikilem ri’, ruk’ wa’ are pa kub’sib’al k’u’x na rech pa le uch’ob’ik kitzijol le winaq ri’.

Eri Jorge Mazariegos Vásquez Taqanel rech ri subdirección rech control migratorio, xub’ij che ruk’ wa’ are kachomaxik kakojik ri ub’anikil ri wujq’axb’al electrónico ri’ are rech kak’oji pa jun nimalaj kub’sib’al ya’olchajinik ri’.

Ruk’ wa’ kakub’saxik uya’ik ruk’ ub’anikil k’ak’ no’jb’anikil ri q’axb’al pa amaq’ rech kaq’alajinik chinaq kel b’ik chinaq ko’k loq pa we amaq’ ri’.

“Erik k’ak’ taq q’atb’altzij are ketajin che utzukuxik jun k’ak’ b’anikil ya’olchajinik chi rij ri migratorio biométrico, are jun AFIS che ri kub’sib’al k’u’x chik ke ri winaq che ri kikojom ri wujq’axb’al ri’ aretaq keq’ax ri’”, xcha’ ri Mazariegos Vásquez.

Ri xuya’ ub’ixik che we ukojik jun k’ak’ cholchak ri’ are pa jun chik junab’ ri’, “chi k’u ri’ kamajtaj ukojik pa le Aeropuerto Internacional la Aurora ri’ chi’ k’u ri’ kakoj wi kioscos are jachakunb’al che ri kakikojo wi retal uwikaq’ab’ le winaq rech kakitz’ib’aj kan ketal pa jun b’anikil q’axanik pa we amaq’ ri’”.

Sib’alaj rajawaxik b’a’ kaya’ ubixik che we kamik eri Q’atb’altzij rech Migración ri’ are katajin che uq’axik we jun b’anikil ri’ che ri Instituto Nacional rech Migración, are wa’ xa’rumal xel loq ri cholchak ri’ jacha’ uwch ri k’ak’ tob’chakub’al rech no’jb’anikil ri tajin kak’extaj pa ub’anikil ri’.

COMPARTIR