Eri Mingob kuwa’lijsaj uq’atexik ri Q’aynaqil yab’il che Kitu le e Nan ri’

109

Eri taqim chi ke ri ixoqib’ rajchak Uk’u’x Uchakub’al ri Ministerio rech Gobernación, rech kaketa’maj ri k’axk’olil kuya’o ri q’aynaqil yab’il che kitu’ ri e nan ri’, rumal ri’ xetatb’en che ya’ow utzijob’exik chi ke ri’ ri e ajkun rech ri Hospital San Juan de Dios xuquje’ k’o xkitzijoj ri kik’ulmam pa kik’aslemal kumal ixoqib’ che ri e k’asal na.
Pa le k’uttijonem ri’ xtzijoxik ub’anikil jun utzalaj tzuqb’al ib’ ri’, jeri’ ri b’anow solinik chi ke ri’, che ri rajawaxik kab’an chi ke konojel ri ixoqib’ ri’ rech kakil kib’ pa jun ilob’al kib’ ri’, rech kakilo jawchi’ k’o wi ri q’aynaqil yab’il che kitu’ ri’ xuquje’ rech rajawaxik kakisach ta kanoq rech ke’ok’ow pa taq ilob’al kuk’ e ajkun ri’, rech kaq’atexik chuxe’ ri yab’ilem ri’.

Eri e ajno’jinelab’ rech ri San Juan de Dios, xkiya’ ub’ixik che ri b’isonik, ri maj chuq’ab’, ri yojil b’och’ib’al, ri waranik, ri nim waram, ri k’axk’olil, are wa’ itzelal kakina’o ri winaqil che ri kakitij k’ax ruk’ ri q’aynaqil yab’il che kitu’, rumal ri’ sib’alaj rajawaxik ya’tal kitob’anik ri e ajkun chi ke ri’.

Uwach taq

Eri nab’e are maj kojonik chech ri’, te k’u ri’ chik eri winaq yowab’ kumaj ub’ixi che kuk’ex rib’ pa uk’aslemal ri’, rech te k’u ri’ kakimaj kakunaxik ri’, chi’ k’u ri’ eri winaq yowab’ ruk’ ri yab’il ri’, kuta jas le kub’ano rech kakunatajik.

Eri uwach chi ke juntir rech kunab’al rech ri jun yab’ilem ri’ are kesaxik xuquje’ ri ti’ij ke’esax pa jun pusunem ri’, eri utijik ri kunab’alil rech resaxik ri q’aynaqil yab’il ri’, rech kaq’atexik rech kanimar ta chik xuquje’ rech kujach ta chik rib’ xuquje’ utz ri radioterapia chech ri’ are ri’ kak’owisax pa rayox X, ruk’ nik’aj chik ri’ che k’o uchuq’ab’ rech karesaj ri q’aynaqil yab’il.

COMPARTIR